Khalid enggau Dr. Sim chunto nembiak S’wak

ASAJAYA: Siku lemambang enggau siku lutur nerima Anugerah Nembiak Negeri Sarawak kategori lelaki enggau indu lalu seduai bela pulai mai perais RM5,000 siku ditu kemari.

Khalid Husseine Tuah iya nya siku pengajar di Politeknik suah nyadi champion nyereta pekit nyadi lemambang ba mayuh bengkah pekit ti diatur ba menua tu.

Kelimpah ari nya, Dr. Sim Wen Sann siku lutur ba Klinik Batu Kawah mega mayuh ngatur program CSR bekaul enggau pekara nyaga ngeli.

Kelimpah perais duit, seduai mega nerima setipikit enggau trofi lalu dikearapka pemujur nya nyadika chunto ngagai nembiak bukai di nengeri tu.

Berebak enggau nya bagi Anugerah Nembiak Negeri Sarawak (Gerempung), Angkatan Belia Islam Malaysia (Abim) Pampang Sarawak diangkat nyadi champion lalu perais anugerah diterima Awang Syazuan Shafiq Awang Jaya.

Gerempung nya, mujur mai pulai perais mata duit RM10,000, setipikit enggau trofi.

Ungkup rikod, pengawa Ngintu Hari Nembiak Renggat Negeri Sarawak 2020 tu kemari mujur dipenyadika Kepala Menteri Datuk Patinggi Abang Johari Tun Openg.

Mayuh bengkah program diatur beserimbai enggau pengerami nya nyengkaum e-lumba, betanda, belagu, bejual pemakai enggau ke bukai.