ARTIKEL

KERING… Kilat Boy enggau orang bebintis ba WBC Asia 2024 di Singapore bulan April tu.

Kilat Boy bebintis ba kelang Pekit Tinju Dunya (WBC) Asia 2024

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

KUCHING: Chukup gaga enggau meri tabi puji ngagai diri empu, ku Kilat Boy tauka Daeloniel Mcdelon Bong, 25 taun.

Peninju profesional Tanah Kenyalang nya madah ke pengaga diri pengudah mujur ngenukuka diri enggau orang bebintis ba kelang Pekit Tinju Dunya (WBC) Asia 2024.

TEPANTUP ATI… Kilat Boy enggau Resatul lebuh refree mantaika pemutus kategori Feather Weight (57.2kg) di Kemal Ataturk Park, Banani, Dhaka, Bangladesh malam kemari.

Ku iya, taja bulih tikit masuk kelang nya nengah pemutus bedu lebuh ngelaban peninju ari Bangladesh, Resatul Mahmud Sajin, tang iya tetap tepantup ati.

“Aku chukup gaga sereta tabi puji ngagai diri empu laban udah datai ba singkang ngenyauh tu, ke datai ari pengeransing ati aku empu kelimpah sukung tegut ari semua kita.

“Taja semina bedu aja, nadai sapa entara kami duai menang tauka alah, tang tu udah chukup ngemantupka ati aku lebuh ulih enggau orang bebintis ba kelang WBC di Singapore bulan April tu,” ku iya.

Kilat Boy enggau Resatul bela mantaika penau, pengering enggau pengelanchat diri betinju ba enam idar bemain dalam kategori Feather Weight (57.2kg) di Kemal Ataturk Park, Banani, Dhaka, Bangladesh malam kemari.

Peranak asal ari menua benaK pangka pasang nya mega madah, mayuh endar pemar ditapi iya sebedau nurun ke kelang berebutka tikit masuk WBC sekali tu.

“Pemar pemadu berasai ba aku endur nyikap diri sebedau tu iya nya lebuh magi jam endur belatih enggau kereja.

“Latih tinju enggau kereja bela besai reti ba pengidup aku, nya alai aku naka ulih magi jam enggau patut sereta ngatur awak ke chukup.

“Tu siti ari tanggungpengawa chukup besai ba tandan bau aku ke nyadi siku pemain tinju menua enggau orang ti bekereja mega,” ku iya lebuh dirandau Suara Sarawak.

Tang ku Kilat Boy, iya naka ulih ngena penau enggau peneleba diri lebuh ngelaban Resatul ba enam idar bemain malam nya.

“Peninju tuai rumah chukup liat dibintis taja tumbuk nyau baka leka seterum ke kena abi. Nyau enggai tumbang-tumbang.

“Aku endang naka ulih ngalahka iya tang pemutus kami duai semina bedu aja, nadai ulih diubah,” ku Kilat Boy.

Nya alai iya nerima pemutus nya enggau ati lantang sereta gaga mega lebuh nemu diri ulih enggau orang bebintis ba WBC 2024 di Singapore.

Ngena peluang nya, iya meri terima kasih ngagai semua rayat Sarawak nyengkaum sida ke nadai kala leju meri sukung enggau jaku peransang ngagai iya ngelama tu.

“Terima kasih ke jaku sukung, jaku peransang enggau sampi kita ngagai aku ngelama tu kelebih agi lebuh kita nemu aku nurun ke kelang ngiga penuduk bepadan ba WBC.

“Semua tu besai reti ba aku lalu deka seruran dikenang aku belama seagi seput dikuan ba dada. Terima kasih Sarawak,” ku iya nyemetak.

Kilat Boy udah nya madah ke diri deka meri perati ngagai pengawa nyikap diri bepadan ba kelang WBC udah tu nyengkaum nurun bemain ba sekeda pekit pengudah tu dikena ngansah pengelandik iya betinju.

BERITA LAIN

MEREMAJAKAN SKIM RONDAAN SUKARELA

SKIM Rondaan Sukarela (SRS) telah dilancarkan pada 21 Februari 2004. Tujuan utama penubuhan SRS adalah untuk membantu pihak berkuasa membendung kegiatan jenayah dan gejala di

BERITA TERBARU