Kilinik Long Busang benung digaga

BELAGA: Projek ngaga klinik pengerai ba Long Busang benung dipejalai.

Nitihka penerang ari Palan Servis Komuniti Kaban Parlimen P216 Hulu Rajang, projek ngaga klinik pengerai nya udah kala diperambu kenyau ari taun 2013.

Klinik Pengerai Long Busang entara projek diperambu Adun Belaga, Liwan Lagang suba ti dipejalai nengah Projek Mit Pemansang Menua Pesisir (MRP).

Kebendar iya, klinik pengerai tu udah dikemendar Peirntah Besai kenyau ari taun 2013 tang bisi penanggul ketegal belanja laun diberi.

Tang, penanggul nya udah diputar sereta projek tu benung dipejalai.

Ungkup penerang semua, klinik tu deka nyendiaka servis pengerai ngagai peranak ba Long Busang nentuka pengerai sida seruran dijaga.

Klinik pengerai tu beguna amat nyadi endur mensia mayuh berubat enggau nyendiaka dokumen endur rejister anak mit baru ada.

Nya alai, terima kasih ngagai Perintah Sarawak enggau Perintah Besai kelebih agi Datuk Liwan Lagang enggau Kaban Parlimen Hulu Rajang YB Datuk Wilson Ugak Kumbong laban seruran betatika peminta rayat.

Suara Sarawak