ARTIKEL

Kisah siku Bujang Berani bedengah lima iku munsuh

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

KUCHING: Lima iku munsuh mujur didengah siku Bujang Berani menua iya nya Leftenan Kolonel (B) Robert Rizal Abdullah rambau menua benung sigau dikeruga raban penyelawai.

Mulaika pengingat nya, nyerumba Hari Bujang Berani ke disambut kena 30 Julai ninting taun, dia Rizal nusui diri berengkah direkrut ba Batalion Ketiga Rejimen Renjer Diraja (3 RRD), lebuh ba taun 1971 Robert agi menggi pangkat kepten beperang enggau raban penyelawai Parti Komunis Kalimantan Utara (PKKU) dalam tiga iti insiden.

Maya tu dunya agi karu, Kepten Robert maya nya nyadi tuai Platun Kilat iya nya Platun Elit 3 RRD ba Nonok, Kuching.

Tu operasyen sida ti keterubah ngemunaska raban penyelawai.

Maya insiden nya, Robert mujur bedengah siku ari dua iku penyelawai ke benung belelak pengudah nyubuk sida urung seminggu sebedau nya ba palan paya di Nonok.

Dero ke diambi ari facebook Robert lebuh beperang enggau raban penyelawai.

Dalam sebuah bup dikumbai ‘Demi Negara’ dichelak sereta dikeluarka Transformasi Kreatif ba taun 2014 madahka pengawa nyubuk raban penyelawai tu balat mar.

Sida Robert, mayuh agi nguna awak nengah jalai paya, ngerayap sereta bejagang sereya ngesan barang pemakai sida di atas pala awakka enda basah.

Ku cherita nya, pengudah tiga bulan sida mujur dalam misyen tu, Platun Kilat sekali agi dikanggau ngelaban PKKU enda jauh ari sebuah palan di Balai Ringin, Serian.

Dalam insiden nya, siku tuai lumur empat pemadu tinggi Kompeni Ketiga PKKU Lee Kuan mega mujur didengah.

Platun tu mujur bekau ari pemujur sida nemu surat resia penyelawai asil ari bantu siku penyelawai ti nyerah diri ngagai Pemesai Polis Pampang Khas.

Dero ke diambi ari facebook Robert lebuh beperang enggau raban penyelawai.

Pemujur nya besai reti ngagai Robert laban tuai munsuh mujur didengah iya empu pengudah siti ari tiga iti bom jari ditikau iya nuju palan munsuh.

Anak Iban asal Sri Aman tu nempa sejarah besai maya betempur kali ti ketiga kena 11 Oktober 1973 di Nonok enda jauh ari Samarahan.

Ketegal nurun beperang begulai enggau bala Kompeni D 3 RRD nya meh iya diberi pingat Panglima Gagah Berani (PGB).

Ngenang baru insiden nya kelia, Robert madahka tim iya udah nyerang lankau kimbis ti diuan 54 iku munsuh ari Kompeni Keterubah PKKU ti betuaika Bong Kee Chok.

Dalam perang nya, kompeni Robert mujur bedengah tujuh iku penyelawai nyengkaum empat iku indu.

Kisah Robert mega bisi dipandangka ba episod Bujang Berani di TVS.

“Tiga iku ari sida didengah aku, maya nya aku ngaga pengabis manah ke chunto bala unit.

“Aku pechaya penyampau munsuh ti didengah nya agi nyadi rikod tim enggau bedau bisi tim bukai mujur mechahka rikod 3 RRD nyentuk diatu,” ku iya.

Bekau ari tiga insiden tu, Robert madahka iya mujur bedengahka lima iku munsuh penyelawai PKKU ngena jari iya empu.

Nyerita pasal ulah diri sekumbang gawa nyadi soldadu, Robert madahka iya enda kala mantah pengawa ti diberi sereta naka ulih bejalaika pengawa nya enggau naka pemanah.

Nya alai ku iya, lebuh dalam operasyen iya deka ngagai penyelawai dataika sida beperang.

Robert nyemetak madahka, iya endang sanggup beperang laban tuju besai iya tama nyadi soldadu endang deka munaska raban penyelawai enggau naka tegal sida nya udah nyadi ama menua.

“Lebuh juluk ati kitai nyemetak ditemu, kitai deka bebendar ngaga pekara nya awakka pengawa nya mujur dipejalaika,” ku iya.

BERITA LAIN

Mayuh bantu ngubah pengidup rayat

DEBAK: Bemacham bansa bantu diberi perintah dikena ngubah enggau nyaga pengelantang rayat. Sapit Premier Sarawak, Datuk Amar Douglas Uggah Embas madah, nya nentuka rayat bulih

Gaji niki nipakka inflasyen

KUCHING: Perintah Besai dipinta nyemela pengawa nikika gaji nipakka tikas inflasyen ngambi pekara tu enda meri empas ngagai rega barang niki ti ngasuh atur nikika

BERITA TERBARU

Manchester City juara lagi

PENYANDANG juara Manchester City mencipta sejarah kejohanan teratas bola sepak England apabila mengekalkan kejuaraan Liga Perdana Inggeris (EPL) buat kali keempat berturut-turut. Kejayaan diraih anak

Bertemu semula lepas 47 tahun

KUCHING: Pelajar Tingkatan Enam Kolej Tun Datu Tuanku Haji Bujang Miri 1977 berkumpul di Hotel Serapi, di sini untuk majlis makan malam perjumpaan pada 18

100 guru berpeluang lihat prototaip ART dari dekat

KUCHING: Seratus warga pendidik berpeluang melihat secara dekat prototaip kenderaan Transit Aliran Autonomi (ART) dalam satu lawatan mereka di sini, baru-baru ini. Delegasi yang terdiri