PADAWAN: Pekara pemadu beguna iya nya kitai deka ngiga mandat baru ungkup Gempung Parti Sarawak (GPS), ku Menteri Muda Perengka Pengangkut Sarawak, Datuk Dr Jerip Susil.
Penyandang Dun N.19 Mambong nya madah, Kepala Menteri, Datuk Patinggi Tan Sri Abang Johari Tun Openg begunaka sukung ngambika langgur pengawaiya dikena ngaduka ekonomi nengeri tu ulih terus dikemujur bekau ari pangka pandemik Covid-19.
“Perambu ngemanhka ekonomi deka meri peluang enggau mantu raban ke dituntung penusah ketegal pandemik Covid-19 lebih agi raban B40.
“Tu udah dipadah ba dalam bajet 2022 ke udah dikemendar raban menteri engagu mega udah dikerandau enggau ex-adun nengeri sebedau tuy,” ku iya maya bejadika program Taklimat enggau Simulasi Komiti Pengawa Bepilih Besai Nengeri Dun N.19 Mambong, ba Dewan St. Paul’s Parish, ensana.
Nangkan ke nya, iya meri pengaga ati bekaul pengawa meri pangkat basa Panglima Mangku Negara (PMN) ngagai Abang Johari ba Astana Menua ari Yang di-Pertuan Agong Al-Sultan Abdullah Riayatuddin Al-Mustafa Billah Shah ke mai gelar ‘Tan Sri’.
“Tu endang siti basa ke chukup manah ngagai kitai. Arapka dudi hari ila, iya ulih terus ngiring Sarawak enggau nyulut,” ku iya.
Berebak enggau nya, tuju program ke diatur sehari nya dikena nerangka pasal atur ke patut dititih maya pengawa bepilih besai ila nganti Atur Pengawa Standard (SOP) udah dibantaika raban bekuasa.
Urung 150 iku pengundi ba sitak Mambong bisi ngulu pengawa nya mungkur sida ke datai ari Padawan enggau Siburan.
