Klinik di Ulu Baram ampuh bah

KUCHING: Tiga buah klinik pengerai di Miri dituntung penusah bah sehari tu ketegal ujan bangat enda ngetu kenyau ari beberapa hari ke udah.

Pengari Sekretariat Komiti Penyangga Penusah Ngenyit Sarawak, Mejar (PA) Ismail Mahedin madah, klinik ke napi penusah nya iya nya Klinik Pengerai Long Bemang, Klinik Pengerai Ulu Teru enggau Klinik Pengerai Long Teru.

Taja pia ku iya, semua klinik agi bejalaika operasyen sida lalu enda dipindah.

“Jalai ngelawa klinik agi ulih ditengah entukar pikap, bot tauka sida ke bedarat,” ku Ismail.

Kelimpah ari nya, tiga buah sekula di Baram, Miri mega napi penusah ampuh bah.

Ku iya, Sekula Primari (SK) Sungai Bong, SK Long Panai enggau SK Long Bemang ampuh 0.5 ngagai 1 meter penalam tang sekula ditutup nyerumba kemisi sekula ujung taun.

TIKAS AI NIKI… Klinik Pengerai Long Teru di Baram ampuh bah.