Kluster Bukit Tunggal di Julau

JULAU: Opis Pengerai Nengeri Sarawak sehari tu ngenukuka siti agi kluster baru ditemu ba Pelilih Julau iya nya dikumbai Kluster Bukit Tunggal. Nitihka penerang media ari JPBN, kluster komuniti tu mungkur dua buah rumah panjai di Nangga Lioh enggau Nanga Sebuntang di sitak Bukit Tunggal, Durin, Julau.

Indeks kes ari kluster tu iya nya siku lelaki peranak menua (Sarawak) beumur 69 taun ditemu kena rampit Covid-19 pengudah mandangka tanda bisi pedis ba Klinik Pengerai kena 25 Februari tu tadi. Pengerekai penyakit ari kluster tu dipelaba nyadi maya pengawa beripai ngetau padi.

Asil pansik ba dua buah rumah panjai nya, dia tetemuka 28 iku orang ditemu positif ngujungka dua buah rumah panjai diasuh bepekul pengelama 14 hari berengkah 1 March tu tadi. Ungkup rikod, naka tu bisi 26 kluster agi ngerekai di Sarawak. Ari penyampau nya lima kluster bisi ngerikodka penambah kes baru lalu 21 kluster nadai ngerikodka sebarang kes.

 

Suara Sarawak