ARTIKEL

BEJADI… Sikie diberi basa bejadi Program Merem Tipun Penan sereta dikemata Dennis (lima kanan) enggau bala bukai.

KMKK nyadi jematan entara rayat enggau perintah

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

MIRI: Tuai komuniti enggau tuai raban bansa (KMKK) nyadi jematan entara perintah enggau rayat dikena nentu semua agenda pemansang enggau bantu ti disedia perintah ulih diberi terus ngagai rayat.

Sapit Menteri ba Opis Premier Sarawak, Datuk Seri John Sikie Tayai madah, semua agenda nya semina ulih dipejalai enti bisi kerejasama manah ari semua raban.

“Tuai ba semua serak renggat ngesan pangku pengawa nyadi pemansut penerang ngagai rayat kelebih agi ba pengawa nyadung penerang ti engkeman bekaul bantu enggau polisi perintah.

“Nya alai, aku ngarap genap tuai ba renggat baruh meri kerejasama ngagai semua ejensi perintah dikena nentu semua polisi enggau bantu perintah ulih datai enggau diasaika rayat,” ku iya.

Sikie mansutka jaku nya rambau Program Merem Tipun Penan ti diatur Gerempung Pemansang Tipun penan Sarawak (PETIPUN) ditu, kemari.

Iya madah, KMKK mega nyadi tuai ti dichiri perintah ba renggat baruh ungkup mantu ngatur pekara bekaul pengawa ngatur, pemansang enggau pengelikun kelimpah nyaga pengelantang genturung pendiau.

“Penanggul enggau isu ti suah nyadi kemaya hari iya nya bekaul isu bepechah ba rumah panjai tauka genturung pendiau lalu tu mai pengerugi besai.

“Pia mega, kerejasama ari KMKK beguna amat dikena mutar penyalah nyerungkai rumah, penanggul sosial baka penyalah makai dadah, kes penyalah enggau ti bukai.

“Tu semina ulih dikereja lebuh bisi komiti genturung pendiau tauka rumah panjai ti bejalaika pangku pengawa ti dilempai rayat ngagai sida enggau manah,” terang iya.

BERITA LAIN

Mayuh bantu ngubah pengidup rayat

DEBAK: Bemacham bansa bantu diberi perintah dikena ngubah enggau nyaga pengelantang rayat. Sapit Premier Sarawak, Datuk Amar Douglas Uggah Embas madah, nya nentuka rayat bulih

Gaji niki nipakka inflasyen

KUCHING: Perintah Besai dipinta nyemela pengawa nikika gaji nipakka tikas inflasyen ngambi pekara tu enda meri empas ngagai rega barang niki ti ngasuh atur nikika

BERITA TERBARU