BAU: Bala nembiak lepas SPM diperansang masuk Kolej Komuniti Mas Gading (KKMG) ti bisi nyendiaka program kus Setipikit Landskap enggau Setipikit Teknologi Pemadah (IT).
Nitihka penerang, KKMG nya Palan Pelajar Tinggi Perintah (IPTA) di baruh Opis Menteri Pelajar Tinggi Malaysia (KPTM) meransang nembiak lepas SPM masuk sesi 2 2021/2022 ti udah dibuka kenyau ari 1 November tu tadi.
Pia mega, bala nembiak deka belajar pengelama dua taun enggau sistem belajar ba kolej iya nya 90 peratus chara pratikal enggau 10 peratus chara teori.
Entara syarat masuk KKMG iya nya bala nembiak mesti peranak Malaysia enggau pass SPM.
Pengudah tembu kus tu, bala nembiak mega ulih nampung pelajar ngagai tikas Diploma di Politeknik nitihka syarat ti udah ditetap.
Ungkup penerang silik, mensia mayuh kelebih agi bala nembiak tau ngelawa website http://ambilan.mypolycc.edu.my tauka ba Facebook /Instagram/Twitter: @kkmasgading.
Nambahka nya, bala nembiak mega tau berandau terus enggau pegawai rejister nembiak, Adi Amin bin Sarkawi Sarie ba lumur, 082-763730 (jam opis gawa) tauka telefon nuju 012-8974222.
