ARTIKEL

Kompleks Unifor tembu 22.6 peratus

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

KUCHING: Kompleks Unit Pekara Agama Bukai (Unifor) ti benung digaga diatu tembu 22.6 peratus.

Sapit Premier Sarawak ti mega menteri bekuasa megai Unifor, Datuk Amar Douglas Uggah Embas madah, kompleks nya disadang tembu ba bulan Julai 2024.

“Kompleks Unifor ti bepalan ba Jalai Ong Tiang Swee tu digaga ngena agih belanja RM63.6 juta.

“Pia mega, kompleks 10 ringkat tu digaga ba taba tiga hektar pemesai kenyau ari bulan Julai taun nyin kemari,” ku iya.

Uggah mansutka jaku nya rambau aum pemberita pengudah ngabas taba Kompleks Unifor ba Jalai Ong Tiang Swee, ditu sehari tu.

Ku iya, kompleks nya ila deka nyendia balai endur ngatur aum sereta opis Unifor.

“Aku pechaya enggau gaya hari ti manah diatu, Unifor deka nyadi kelai polisi bungkur Perintah Sarawak ba pengawa nentu pengelantang semua jalai pengarap ba nengeri tu.

“Tu ngelai Gempung Parti Sarawak (GPS) ti betuai ke Premier Sarawak, Datuk Patinggi Tan Sri Abang Johari Tun Openg endang ngamat semaya diri lebuh meri agih belanja ngaga Kompleks Unifor,” ku iya.

Sama datai Sapit Premier Sarawak ti mega Menteri Pengerai Mensia Mayuh, Pengawa Berumah enggau Perintah Lokal, Datuk Seri Dr Sim Kui Hian, Sapit Menteri Pengerai Mensia Mayuh, Pengawa Berumah enggau Perintah Lokal, Datuk Dr Penguang Manggil, Sapit Menteri Utiliti enggau Telekomunikasyen, Datuk Liwan Lagang enggau ti bukai.

BERITA LAIN

BERITA TERBARU

‘Strongman Challenge’ tarik minat orang awam

KUCHING: Penganjuran pertandingan ‘Strongman Challenge’ dapat menggalakkan gaya hidup sihat dan minda yang kuat dalam kalangan anggota polis serta orang awam. Komandan Pulapol Kuching, SAC