Komuniti Kuching ngasika SOP – Uggah

KUCHING: Sapit Kepala Menteri Datuk Amar Douglas Uggah Embas tepantup ati meda Atur Pengawa Standard (SOP) dititihka komuniti ditu dalam nagang pengerekai Covid-19.
Ku iya, nyau deka semua komuniti ditu ngena sengkabung mua, nyaga takah, enggau ngerejister diri maya ngulu sebarang premis kelimpah ari meresa pengangat isi.
“Tu mih ulah ke mereti lalu berita manah ungkup Sarawak, orang mayuh nitihka SOP.
“Tu mandangka sida meri kerejasama penuh dalam nagang pengerekai penyakit tu lalu aku berasai gaga meda ulah nya.
“Kitai ngaraoka semua pasar enggau palan bebelika barang bela nitihka atur ke sebaka,” ku iya.
Uggah madah munyi nya maya datai matau Pasar Komuniti Kota Sentosa enggau Stutong ditu, ekmari seraya beratika mensia mayuh ti nitihka SOP dalam nagang pengerekai penyakit Covid-19.
Iya mega mega Chairman Komiti Penyangga Penusah Nengeri (JPBN) bela muji pengeransing raban pegawai penerit adat dalam nentuka SOP dititih.
“Kitai bela nemu tu batang pengawa ke mar, lebuh bisi orang nadai ngena tauka enda ingat bebaika sengkabung mua.
“Tang patut kena chara randau manah, ajar sida tauka beri tangkan ngagai sida, terang ngagai sida nama kebuah mesti nitih SOP laban dikena nyaga sida empu enggau diri sebilik,” ku iya madah nyemetak.

Uggah maya ngabas Pasar Komuniti Kota Sentosa enggau Stutong, ditu kemari.