KUCHING: Rayat Sarawak diperansang terus mandangka pengeraja main asal kitai ba mata dunya.

Sapit Menteri Dagang Temuai, Industri Kreatif enggau Seni Pemerindang, Datuk Snowdan Lawan madah, Sarawak ngembuan 34 raban etnik bela ngembuan pesaka main asal kediri empu nyengkaum pekayan asal etnik.

“Nya kebuah, ba Pengerami Gawai Dayak sekali ke komuniti Bidayuh, Iban tauka Orang Ulu, sida meseti ngena peluang nya mandangka main asal enggau pekayan asal sida.

“Tu mega entara kebuah Sarawak dikumbai chukup diberekat laban rayat pupu bansa enggau jalai pengarap bebasaka pangan diri,” terang iya.

Snowdan mansutka jaku nya lebuh bejadi Pengerami Gawai Tematu di Kampung Tematu, kemari.