ARTIKEL

Konsep kimpin mesti adil ngagai semua

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

KUCHING: Pemutus madamka Proklamasi Darurat sereta ngujungka Pengawa Bepilih Besai Nengeri Ke-12 (PRN-12) dipejalai endang konsep adil ngagai semua, ku pemikir politik Profesor Datuk Mohd Fadzil Abdul Rahman.

Kenu ku iya, laban nyadi sebuah menua demokrasi, pengawa bepilih besai patut diatur laban sekeda raban udah ngangkaika pengirau ati ngagai Gempung Parti Sarawak (GPS) merintah nengeri taja timpuh Dun udah abis kena June tu tadi.

“Kebendar rayat nyengkaum parti-parti politik patut nemu penyadi baka atur PKP, pengerekai penyakit Covid-19 enggau Darurat udha ngujungka perintah nangguhka PRN-12.

“Berebak enggau nya mega patut dipikir bekaul enggau pengawa ngatur pengawa bepilih besai. Nyadi mayuh pekara patut digaga nyengkaun meri vaksin ngagai rayat dikena nyaga sida.

“Nyadi diatu semua udah terenah, GPS milih deka ngatur PRN12 enggau mulaika mandat milih ba jari rayat,” ku iya maya dirandau Suara Sarawak, ensana.

Nerang silik, pengawa ngatur PRN-12 jam ke diatu endang pemutus ke pintar enggau enda ngerugi sebarang raban.
Ku iya, pekara ke chukup beguna maya ngatur pengawa bepilih besai ila iya nya atur SOP ke manah nyengkaum ari sukut raban bekuasa ke ngambi bagi nyengkaum ari sukut ngatur pengawa bepilih besai.

“Maya bekimpin, parti-parti politik ke ngambi bahi patut nangkan penyukung sida mesti nitihka SOP. Anang kelalu gagit bekimpin laban agi ngerekai.

“Sida patut nitihka chara bekimpin chara baru baka ngena media rama enggau pelasar digital ke bukai dikena nyeliah diri ari kena rampit (Covid-19).

“Nya alai, tu endang konsep adil ngagai semua laban demokrasi diangkat, pengelikun rayat tetap dijaga,” ku iya.

Nangkan ke nya, dikena nentuka pemujur pengawa bepilih besai ila, semua raban enda kira renggat umur patut bejalaika tanggungpengawa nyeliahka pekara ti enda disadang.

BERITA LAIN

BERITA TERBARU