ARTIKEL

Kontinjen LANDAS champion PURSCAR 2023

Facebook
Twitter
LinkedIn
WhatsApp
Telegram

LIMBANG: Kontinjen Opis Tanah enggau Survei Bagi Menua Limbang (LANDAS) nyadi champion Karnival Lumba PURNAMA (PURSCAR) 2023 pengudah bulih 15 midul emas.

Pengawa nyua perais PURSCAR 2023 nya udah dipenyadi Kaban Kunsil Nengeri (ADUN) Batu Danau, Datuk Paulus Palu Gumbang nyerumba Pengerami Makai Lemai PURSCAR 2023 ba sebuah hotel ditu, apin lama ti udah.

Lumur dua dipenggi kontinjen PURNAMA ti bulih 10 midul emas lalu lumur tiga dipenggi kontinjen JARESDA enggau semilan midul emas.

Pengatur PURSCAR taun tu KESUMA ari Kaunsil Pelilih Limbang lalu tuai rumah ba taun baru Opis Residen enggau Pelilih Limbang (JARESDA).

PURSCAR diatur genap taun ti diseretai ejensi perintah nengeri ti bisi opis ba begunan Limbang Plaza kelimpah kontinjen ti dikangau khas ari Opis Imigresyen Malaysia Bagi Menua Limbang sereta raban pengatur Limbang Plaza.

Lapan kontinjen ngambi bagi ba PURSCAR 2023 baka Kontinjen LANDAS, JARESDA, SOKANJAYA, SAKEJAP, KESUMA, GA6, NAJIM18 enggau PURNAMA.

Pengawa nya dirichahkan agi enggau pemerindang ari artis lokal sereta dua artis menua iya nya Adira Suhaimi enggau Ameng Spring.

Bisi bela datai, pengari Chairman Pengatur PURSCAR 2023, Mohammad Syamil Jumain, Walikota Kaunsil Pelilih Limbang, Kaunselor Sufian Mohat, Pegawai Pelilih Limbang, Sulaiman Engal, Sekretari Kaunsil Pelilih Limbang, Petrick Linggie Taboh, Penguasa Tanah enggau Survei Bagi Menua Limbang, Bakeri Samsudin, ex-Penguasa Tanah enggau Survei Bagi Menua Limbang, Awang Nazri Awang Saperi, Pemangku Injinir Bagi Menua, JKR Bagi Menua Limbang, Mahathir Jokeni sereta Menijar Limbang Plaza, David Chua Thien Teen. – EDISI UKAS

LAIN-LAIN BERITA

Sarawak ngulit dua hari

KUCHING: Perintah Sarawak ngemendarka timpuh ngulit selampur nengeri pengelama dua hari, belabuh sehari tu enggau pagila. Nambah ke nya, tambai mega digitang tengan tiang aja

TYT berami enggau YAST Group

KUCHING: Tuai Pemegai Menua (TYT) Sarawak, Tun Wan Junaidi Tuanku Jaafar enggau bini iya, Toh Puan Fauziah Mohd Sanusi udah ngulu Pengerami Makai Lemai Taun

BERITA TERBARU

Suasana hiba di kediaman Tun Taib

KUCHING: Suasana hiba dan sayu menyelubungi persekitaran kediaman Allahyarham Tun Pehin Sri Abdul Taib Mahmud, petang ini. Keadaan cuaca mendung turut seakan-akan turut berduka dengan