ARTIKEL

Konvensyen Khas PBB nyadi peransang kaban parti gawa

Facebook
Twitter
LinkedIn
WhatsApp
Telegram

BETONG: Konvensyen Khas Parti Pesaka Bumiputera Bersatu (PBB) Betong diatur ngambi meransang baru pengeransing ati bala kaban parti mantu Perintah Parti Sarawak (GPS) ngemansangka nengeri tu.

Kaban Kunsil Nengeri (ADUN) Lingga, Dayang Noorazah Awang Sohor madah, agi tubah pekara patut diberi perati kelebih agi ba mayuh pekara pemansang laban diatu Malaysia dikemudi Perintah Penyerakup.

“Nya alai konvensyen khas tu siti ari pengawa PBB meransang bala kaban parti terus nyukung parti enggau Perintah GPS,” ku iya.

Dayang Noorazah bejaku munyi nya lebuh dirandau ba pengawa nyendiaka diri ngatur Konvensyen Khas PBB Betong di Dewan Sukan Tan Sri Datuk Amar Stephen Kalong Ningkan, ditu kemari.

Pengawa nya bela digulu Sapit Presiden PBB ti mega Sapit Premier Datuk Amar Douglas Uggah Embas.

Ngenang pasal pengawa nyikap diri Raban Nembiak PBB 1828 tauka Gerak Belia 1828 ku Noorazah, bisi 20 kaban ngaul 14 pampang parti PBB ba Zon Betong deka ngulu konvensyen khas nya.

Ku iya, bala kaban diberi peluang mantaika pengandal, penemu lalu sida mega deka dibai berandau maya konvensyen nya ila.

Sama datai Mandal Presiden Parti PBB, Datuk Gerald Rentap Jabu, ADUN Saribas, Mohamad Razi Sitam enggau ADUN Kalaka Mohd Duri.

Disadang lebih 1,500 pengawa ari pampang Sebuyau, Lingga, Beting Maro, Balai Ringin, Bukit Begunan, Simunjan, Engkelili, Batang Ai, Saribas, Layar, Bukit Saban, Kalaka, Krian enggau Kabong deka ngulu konvensyen nya.

Premier Sarawak ti mega Presiden Parti PBB Datuk Patinggi Tan Sri Abang Johari Tun Openg deka bejadika konvensyen khas nya kena Hari Minggu tu. 

LAIN-LAIN BERITA

Bakih strategik KGC deka ditambah

SARIKEI: Opis Menteri Pemansang Indu, Nembiak Mit enggau Pengelantang Komuniti Sarawak (KPWK) benung chakah ngatur pengawa sida ngambi mayuh agi premis nerima Kenyalang Gold Card

TYT Sarawak bulih gelar Pehin Sri

KUCHING: Tuai Pemegai Menua (TYT) Nengeri Sarawak, Tun Dr. Wan Junaidi Tuanku Jaafar udah nerima Darjah Utama Yang Amat Mulia Satria Bintang Sarawak (S.B.S) ke

KDJA ngerami 200 pengemeran media malam tadi

KUCHING: Lebih 200 iku pengemeran media dirami nyerumba Pengerami Makai Lemai Taun Baru China Gerempung Pemberita Bagi Menua Kuching (KDJA) malam tadi. Sekeda program bisi

Sistem belanja seikas menua maju

MIRI: Perintah Sarawak benung nungkap pengawa numbuhka sistem belanja ti seikas enggau menua ti udah maju ba rantau tu. Premier Sarawak Datuk Patinggi Tan Sri

BERITA TERBARU