KUCHING: Enam iku ke dipelaba bisi mai igi penyakit koronavirus ditemu negatif lalu dua ke bukai benung dipansik.
Sapit Kepala Menteri ti mega nyadi Chairman Komiti Pengatur Penusah Nengeri (JPBN) Sarawak Datuk Amar Douglas Uggah Embas madahka dua ari sida nya benung nganti pemutus ari Kuala Lumpur.
“Lima kes ditemu nyadi di Kuching lalu tiga ari sida tu ditemu di Sibu, Bintulu enggau Miri.
“Sida ke dipelaba ngembuan penyakit koronavirus tu nyengkaum empat peranak menua tu, tiga peranak China lalu siku peranak Thailand,” ku iya.
Uggah madah munyi nya ba aum pemberita pengudah Aum Besai JPBN di Wisma Bapa Malaysia ditu, tadi.
