KUCHING: Koperasi Wawasan India Kuching Berhad (Kowink) nyadi koperasi keterubah ditumbuh dikena ngempung komuniti India di Sarawak.
Sapit Menteri Pemansang Orang Dagang enggau Koperasi Senator Saraswathy Kandasami madah, iya andalka koperasi tu terus maju lalu ulih besemekih nitih singkang koperasi bukai kelebih agi sukung ngagai kaban koperasi nya empu.
“Opis menteri nengah Komiti Koperasi Malaysia (SKM) deka terus chakah bejalaika pengawa kelebih agi servis lalau ba bemacham program ngatur enggau ngemansang koperasi.
“Pekara tu ungkup kitai nentuka koperasi ulih meri servis ti pemadu manah ngagai komuniti ti dijaga,” ku iya.
Saraswathy bejaku munyi nya rambau bejadika Program Koperasi Begulai Komuniti India Kuching di Balai Gerempung India Kuching (IAK), ditu tadi.
