ARTIKEL

KPK sedia bekerejasama enggau UK

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

KUCHING: Opis Menteri Pengawa Bekebun enggau Komoditi Malaysia (KPK) sedia nanggam kerejasama enggau United Kingdom (UK) ba pengawa komoditi ungkup ngerembaika agi dagang kededua menua.

Sapit Menteri Besai ti mega Menteri KPK, Datuk Seri Fadillah Yusof madah, sida ngelaluka semua aum bekaul pekara tu lalu nyukung penama UK dalam Sempekat Komprehensif enggau Progresif bagi Perkongsian Trans-Pasifik (CPTPP).

“Sekretari Dagang UK Kemi Badenoch sebedau tu nengah sebengkah penerang ningkah penemu pasal pengawa munas kampung ngaul sektor sawit laban minyak nya siti ari produk ti produktif, bepengerai lalu diguna ba serata dunya.

“Nya alai, kitai ngelalu penerang ari UK nya lalu sedia bekerejasama ngagai sida ba pengawa komoditi kelimpah chakah agi ngatur dagang entara dua menua,” ku iya.

Fadillah bejaku munyi nya lebuh ditanya pemberita ba Program Ngagihka Bubur Kachang ti diatur Komiti Pemansang enggau Pengelikun Genturung Pendiau (JKKK) Enam Taman Kuching di Surau AlHidayah, Taman Sejoli, Petra Jaya ditu, kemari.

Ku iya, sektor Minyak Sawit Tegap Malaysia diatu ba penuduk pemadu manah dikena nangkup peminta penguna ari serata menua UK enggau Eropah nuju alternatif minyak makai ti meruan agi.

Dulu ari nya, ba penerang media KPK madah, sida nyukung pengawa nyaga rampa menua enggau biodiversiti ke alai menua tu keran nyadi Sektor Minyak Sawit Tegap ti seruran ngintu rampa menua.

Ku iya, KPK mega andal ke kerejasama enggau UK nyadi bakih baru dalam CPTPP deka meri peluang ngelakuka dagang entara dua menua nya.

Ba pekara tu, lebuh ditanya sekali ke penama UK dalam CPTPP bisi bekaul enggau sekat minyak sawit enggau produk bepelasar ke sawit ti dipejalaika Kesatuan Eropah (EU), Fadillah madahka pekara nya bebida.

Ku iya, kebuah pia laban UK ukai agi sebagi ari EU.

“Taja pia, KPK deka nanggam kaul enggau EU lalu ngarap sida mereti pengawa ti dipejalaika kitai nyengkaum peneguh minyak sawit enggau produk kampung kitai.

“Kitai mega keran ngintu rampa menua laban ari sukut tu nya ngaul sektor betanam betupi ti nyadi pekara ti deka ditegika,” ku iya.

Ngelansa pasal program kemari, bisi 350 kuntina bubur kachang disadung ngagai perayat ba kandang menua besemak enam taman iya nya Taman Sejoli, Taman Murni, Taman Longseng, Taman Peaceful, Taman Heritage enggau Taman Muhibbah. 

BERITA LAIN

Belematika pemesai reti turai sejarah Sarawak

SIBU: Pengerami ‘722 Run For Sarawak’ udah dikelala nyadi sebengkah pengerami ti besai reti nyerumba Hari Sarawak. Sapit Menteri Pengerai Mensia Mayuh, Pengawa Berumah enggau

BERITA TERBARU

Sarawak hanya mahu hak yang sedia ada

BINTULU: Premier Datuk Patinggi Tan Sri Abang Johari Tun Openg menegaskan bahawa Sarawak tidak berniat untuk menjatuhkan mana-mana entiti nasional seperti yang cuba ditularkan oleh

Sarawak tidak lepaskan hak

BINTULU: Sarawak tidak melepaskan hak-haknya apabila menjadi rakan kongsi dalam penubuhan Malaysia, kata Premier Datuk Patinggi Tan Sri Abang Johari Tun Openg. Sebaliknya, beliau menegaskan