ARTIKEL

Kraf Malaysia bekualiti, berega

Facebook
Twitter
LinkedIn
WhatsApp
Telegram

BINTULU: Seni kraf jari Malaysia bisi kualiti enggau nilai tinggi ti patut dikemegah rayat.

Sapit Menteri Dagang Temuai, Seni enggau Main Asal Malaysia (MOTAC), Khairul Firdaus madah, asil kraf lokal chukup manah dibanding kraf ari menua luar.

ALUS… Khairul tekait ati meda pemanah tikai bemban dianyam siku pedagang rambau ngabas reruai nya.

“Seni kraf kitai nya manah agi enti dibanding enggau seni kraf ari luar.

“Nya kebuah, kitai deka ke komuniti mereti enggau ngenang pemanah sereta pengalus seni kraf kitai,” ku iya temegah meda penyelai kraf lebuh ngabas Festival Kraf Borneo.

Ku iya, program baka festival nya ulih narak komuniti pasal penyelai enggau budaya asil kraf digaga ari temaga, tekstil enggau asil kampung ti inklusif.

Bepalan ba Lasar Kenyalang Bintulu, program nya udah ngempuru lebih 75 pedagang kraf ti nyual bemacham produk lokal.

Nya nyengkaum produk kraf tekstil, asil kampung, asil tanah, temaga enggau kraf bukai nya sebagi ari aktiviti MOTAC@Bintulu dikena ngelaku produk kraf lokal.

Kraf Borneo Kita nya diatur enggau kerejasama Perintah Sarawak enggau Opis Pengatur Bagi Menua Bintulu belabuh ari 29 Disember 2023 nyentuk 7 Januari 2024.

Ukai naka nya aja, Kraf Borneo Kita tu meri perati ngagai penyelai kraf pedagang Borneo enggau Bintulu.

Ngena peluang emas nya, Khairul udah ngabas semua reruai ba festival nya ngambi beratika bemacham produk kraf ti ngasuh Bintulu tampak nyelai enggau matak temuai.

Ba program besai nya, iya mega udah bejadi Pekit Ratu Dabong.

Sama datai Tuai Sekretari MOTAC, Datuk Roslan Tan Sri Abdul Rahman enggau bala bukai.

LAIN-LAIN BERITA

Lenyau mentor ti bepenau

KUCHING: Penau Tun Pehin Sri Abdul Taib Mahmud enggau bisi runding strategik mujur mai pemansang moden ngagai Sarawak. Menteri Industri Pemakai, Komoditi enggau Pemansang Wilayah

Projek ART Johor bechuntoka pemujur Sarawak

KUCHING: Sistem Transit Aliran Autonomi (ART) di Sarawak deka nyadi malin ungkup projek ART ti deka dipejalai di nengeri Johor. Perintah Nengeri Johor benung ngelanggur

Sarawak ngulit dua hari

KUCHING: Perintah Sarawak ngemendarka timpuh ngulit selampur nengeri pengelama dua hari, belabuh sehari tu enggau pagila. Nambah ke nya, tambai mega digitang tengan tiang aja

BERITA TERBARU

Allahyarham Tun Taib, Arkitek Pemodenan

MIRI: Yang di-Pertua Negeri Tun Pehin Sri Abdul Taib Mahmud digambarkan sebagai seorang Arkitek Pemodenan kerana sepanjang perkhidmatannya sebagai Ketua Menteri, beliau berjaya mengangkat serta