KUCHING: Kreativiti Dora Arnold, 40 taun, nengkebang ukir tangu narit ati siku ari akim Pekit Tangu Online, Riong Gimang tauka tampak agi dikangau Mmak Ata.
Iya milih tangu ukir asal ditengkebang peranak asal Kanowit nya dipadu nyadi pemenang Kategori Kreatif ba pekit nya.
Nya alai ku iya, Dora deka nerima selampai burie ari iya nyadika tepa ngambi bisi ke pengingat dudi hari.
Pemungkal Mmak Ata Enterprise madah, iya milih endu Dora laban rindu meda keranjai jari ke nyelai ari pemekit bukai.
“Tangu digaga iya pintu besatup lalu mimit aja dipeda aku pintu tangu nya enda besatup enggau leka manik sereta langgu iya enda bangat lebat sereta jelan dipeda mata ku.
“Chura tangu Dora mega balat ngasuh aku tekait ati laban nyelai ari pemekit bukai lalu udah tu, aku deka ngirum ke iya selampai burie,” terang iya ke mega siku indu Iban ke teleba ba keranjai jari enggau pengawa asal kitai.
Ku Riong, sida ngakim nengah tiga chara baka pemanah tangu nya, kreativiti enggau chura tangu nya.
Berita penuh Ruai 8 pagila.
