KUCHING: Kuching Skills College (KSC) udah ngatur kus Food Ordering Platforms Services for Sarawak Micro F&B Entrepreneurs.
Ketuai Pemesai Eksekutif iya, Novert Sullang madah tu nitihka singkang Perintah Sarawak betuaika Datuk Patinggi Abang Johari Tun Openg, mai Sarawak nuju Ekonomi Digital.
Ku iya, kus nadai bebayar nya disedia ungkup bala nembiak kolej sida ti benung belajar enggau ke udah graduet.
“Kami deka ngajar bala penyereta kus chara sida ngelakuka dagang ngena chara ti betul enggau ngasi agi nengah pelasar media rama baka Facebook, Instagram, YouTube enggau ke bukai.
“Ambika chunto baka diatu, mayuh pedagang nyau beratika pemesai guna pelasar digital tauka media rama ti ulih mantu ngangkatka dagang sida sekumbang Covid-19 ngerekai.
“Nya alai, kami enggai nejuka bala nembiak kolej kami tinggal ba penemu makit digital tu,” terang iya.
Iya madah, kus nya diembing siku pengajar ti bepenau, bepenemu enggau landik ba pekara makit digital datai ari Kuala Lumpur benama Dhanyaaram.
Berita penuh Ruai 5 pagila.
