ARTIKEL

KSC nyaup ngelempungka tating belanja nembiak B40

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

KUCHING: Kuching Skills College (KSC) betuaika Novert Sullang udah ngagihka bantu pemakai ngagai bala nembiak kolej sida.

Iya ke mega Tuai Pegawai Eksekutif KSC madah, bantu nya diagih laban betatika penusah ditapi sida nya sekumbang perintah neritka Atur Mindah Betagang (PKP).

Ku iya, raban kolej sedarka bisi sekeda nembiak sida datai ari ruang bilik ti ngandalka gaji hari lalu sekeda putus pengawa berindik ari atur diterit kena mutarka pandemik.

“Kami nemu, bisi sekeda apai indai ke bekuli begaji hari nyau putus pengawa diatu lalu sida puntan jalai ngulihka belanja.

“Ari nya kami teulihka runding mantu sida, abis nadai sida tu bisi pemakai nganti maya ulih nurun bekereja ila laban kitai enda nemu penyuntuk diasaika siku-siku.

“Arapka sida sebilik liat ati enggau sabar lebuh napi penguji besai lalu anang malu minta bantu enti amat begunaka bantu jam diatu,” ku iya lebuh dirandau Suara Sarawak.

Novert madah, bantu pemakai dianjung ngagai bala nembiak ke datai ari ruang bilik raban B40 ke diau ba sitak Kuching, Kota Samarahan enggau Serian.

Berita penuh Ruai 6 pagila

BERITA LAIN

2,000 belanda seraya ngintu rampa menua

KUCHING: Urung 2,000 penyereta ngulu program belanda pengasih besuluka jaku Run To Save Lives 4.0 ti belabuh ba mua Majlis Bandaraya Kuching Selatan (MBKS), ditu

BERITA TERBARU