ARTIKEL

Kualiti telu manuk seruran dijaga

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

KUCHING: Pengawa bejalaika eksport telu manuk ngagai Singapura bedau ulih dirumban beduduk ari raban bekaul berunding dulu enggau menua nya.

Menteri Orang Dagang enggau Pekara Penguna (KPDNHEP) Datuk Sri Alexander Nanta Linggi madahka sebedau telu manuk endang bisi dieksport ngagai Singapura, lalu perintah deka nentuka dulu telu manuk nya nyengala likun sereta ngundan kuman.

“Nyema Opis Servis Veterinar udah ngenukuka telu nya likun baru kitai deka berunding baru enggau Singapura, pekara nya enda berumban laban ngira pengerai penguna.

“Diatu opis nya madahka nadai kuman agi, pekara tu manah laban Opis Servis Vaterinar endang sebuah ejensi perintah ti ulih nentuka telu nya bisi kuman tauka enda,” ku iya.

Nanta bejaku munyi nya ba aum media pengudah Program Malaysia Prihatin ba Opis Gerempung Perintah Besai Bansa China Bagi Menua Kuching, Samarahan enggau Serian ditu, kemari.

Iya nyemetak madahka, nyema telu manuk ti dieksport Malaysia ke menua bukai bisi ngundan kuman pengawa nya deka diketuka.

“Dalam Malaysia empu pan kitai sigi enda nyual telu manuk ti bisi ngundan kuman.

“Nya alai, kami minta raban ti nemu pasal telu manuk ke ngundan kuman ngaga ripot awakka kami ulih ngaga pansik.

“Tu entara chara kami nyaga kualiti telu manuk nya kelimpah narit pulai telu manuk ari dijual,” ku iya.

Apin lama, Singapura ngetuka menua sida ngimport telu manuk ari sebuah ladang Malaysia laban ditemu bisi ngundan kuman Salmonella Enteritidis (SE).

Taja pia, lebuh Opis Servis Vaterinar lebuh bejalaika pansik sida nadai tetemuka kuman SE ba telu manuk ti dikeluarka ladang ke bekaul.-Indun Silong

BERITA LAIN

Sibu tuai rumah Sarawak Agrofest 2025

BINTULU: Sibu udah dipilih nyadi tuai rumah Sarawak Agrofest ba taun baru. Menteri Industri Pemakai, Komoditi enggau Pemansang Wilayah Sarawak, Datuk Sri Dr. Stephen Rundi

88 chalun STPM Sarawak bullh PNGK 4.0

INDUN SILONGsuarasarawak.sv@gmail.com KUCHING: Nengeri Sarawak ngerikod Purata Nilai Gred (PNGK) pemutus peresa Sijil Tinggi Persekolahan Malaysia (STPM) 2023 penyampau 2.69 enti dibanding PNGK STPM 2022

Sarawak ngerikod PNGK 2.69 ba peresa STPM 2023

KUCHING: Pemutus peresa Sijil Tinggi Persekolahan Malaysia (STPM) 2023 Sarawak ngerikod ‘Purata Nilai Gred Keseluruhan’ (PNGK) 2.69. Pemutus nya kusut ari taun 2022, iya nya

BERITA TERBARU