ARTIKEL

KERESA KITAI… Abang Johari (kanan) disempulang Uggah (kiba enggau Professor Dr. Neilson Ilan Mersat temegah meda pemanah keresa lama enggau kain tenun ti bisi dipandang. -GAMBAR RAMIDI SUBARI

Kubu Lily enggau Kubu Slyvia diangkat nyadi Palan Pesaka Bansa Iban

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

TUSUN KEDUA

KUCHING: Perintah Sarawak setuju Kubu Lily di Betong enggau Kubu Slyvia di Kapit dikemansang nyadi Palan Pesaka Bansa Iban dikena ngetanka semua kereban pesaka asal Iban di menua tu.

Premier Sarawak Datuk Patinggi Tan Sri Abang Johari Tun Openg madah, pengawa ngetanka pesaka bansa beguna endar ngambi tampak dipeda berega sereta dipebasa semua awak enda punas.

“Palan tu ila meseti nyadi sebuah palan ti interaktif sereta bisi naratif penerang ti nyemetak awak bala temuai ti datai kia nemu bebasaka pesaka lama kita nya.

“Pua Kumbu diaku nyadi siti ari pesaka menua ti patut dijaga, nya alai kereban pesaka tu patut dijaga sereta diintu meruan kelimpah pesaka lama bansa ti bukai,” ku iya.

Abang Johari bejaku munyi nya rambau bejadi Simposium enggau Ekspo Pesaka Bansa Iban 2024 besuluka jaku Reta Tengkira Lanting Bansa ba Yayasan Main Asal Dayak (DCF) ditu, kemari.

Dulu ari nya, rambau bejaku Sapit Premier Sarawak ti mega Chairman DCF Datuk Amar Douglas Uggah Embas minta ngagai Abang Johari ngambi Kubu Lily di Betong enggau Kubu Slyvia di Kapit dikemansang nyadi sebuah Palan Pesaka Bansa Iban dikena ngintu, ngelaku enggau meri pelajar ngagai mensia mayuh sentang pesaka bansa nya.

Ku iya, DCF patut diberi peluang begulai enggau Opis Muzium Sarawak ba program ngemanah enggau nyeruri dua kubu tu.

Nangkan nya, Abang Johari madah, gempuru raban bansa Dayak ti ngembuan penemu dalam pesaka lama beguna ungkup meri penemu enggau penau bakani chara ngetanka main asal sereta ngemansang main asal nya nyadi siti pekara ti chukup berega.

“Sulu jaku ti dikena rambau simposium tu aja ulih dikena kita ngelaika pemesai guna sistem ngerembai enggau ngintu pesaka lama dalam komuniti.

“Ambika chunto Pua Kumbu, nya nyadi tanggungpengawa kita dalam nyaga enggau ngintu iya awakka enda padam tauka punas.

“Kita patut ngetanka semua produk Pua Kumbu, meseti nemu reti genap lambar Pua Kumbu ti ditenun enggau chura ti digaga nya,” ku iya.

Abang Johari mega madah, nyaga pesaka asal tu mungkur sekeda kereban lama baka Baju Gagung ti mai reti baju bujang berani, tikai enggau ke bukai ti nyadi kelai sereta identiti ti betusun enggau berega ngagai etnik Iban di Sarawak.

Iya madah, pekara tu patut dikerembai ngagai nembiak rebak baru ngambi sida meretika guna lalu bebasaka pesaka nya jemah ila.

“Nembiak rebak baru meseti nemu enggau meretika pengaya pesaka lama tu ba main asal awak sida bisi ati deka sama enggau kitai nyaga nya jemah ila.

“Nya alai, aku meda simposium tu tau nyadi pelasar dikena kitai mansang ke mua sereta nyadi pelasar dikena ngetan enggau ngangkatka pesaka asal,” ku iya. 

BERITA LAIN

BERITA TERBARU

England ke final Euro 2024

Skuad England mara ke final Euro 2024 setelah mengalahkan Belanda 2-1 pada aksi separuh akhir awal pagi tadi. Mereka akan menentang Sepanyol pada aksi final

Sekolah institusi penting bina masa depan negara

SIBU: Dana Program Mesra Rakyat (PMR) yang disalurkan membolehkan kemudahan sekolah sekitar kawasan Parlimen Sibu dinaik taraf. Ahli Parlimen Sibu, Oscar Ling Chai Yew berkata

Kerjasama erat KMKK bawa banyak kemajuan

SARATOK: Semangat bersatu padu dan kerjasama erat barisan ketua masyarakat dan ketua kaum (KMKK) menjadi semangat kepada wakil rakyat untuk membawa lebih banyak pembangunan. Perkara