Kuching diatu Zon Kuning, 14 hari ngerikod kurang 40 kes positif

KUCHING: Pelilih Kuching ti nyadi Zon Merah ngelama tu udah betukar nyadi Zon Kuning laban nadai ngerikodka kes positif Covid-19 kenyau beberapa hari ke udah.

Chairman Komiti Penyangga Penusah Ngenyit Nengeri Sarawak (JPBNS), Datuk Amar Douglas Uggah Embas madah, kod chura kuning naggai sekeda sitak nya bepelasarka penyampau kes baru ti enda lebih ari 40 kes nitihka timpuh ditetap.

“Kenyau ari 14 hari ke udah, Kuching ngerikod penyampau kes kurang ari 40 enti dibanding sebedau tu.

“Pemutus tu udah mujur nukar status Kuching ari Zon Merah ngagai Zon Kuning,” ku iya madah ba aum pemberita di Begunan Dun Lama, ditu tadi.