ARTIKEL

Kuching kelang pekit tenis dunya

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

KUCHING: Bisi 65 pengari ari serata dunya deka bepekit ba International Tennis Tour (ITF) World Tennis Women W15 Renggat Ketiga ba Kuching berengkah 28 Februari ngagai 5 March tu.

Jipun ngenukuka rintai penyereta pemadu mayuh iya nya 16 iku ditangkan China penyampau 14 penyereta enggau enam penyereta ari menua India.

Entara menua ti udah ngenukuka diri masuk pekit nya baka Australia, Perancis, Jerman, Indonesia, Iran, Itali, Korea, Madagascar, Filipina, Rusia, Singapore, Sepanyol, Sri Lanka, Switzerland, Taipei, Ukraine enggau Amerika Syarikat.

Menteri Nembiak, Lumba enggau Pemansang Pedagang, Datuk Seri Abdul Karim Rahman Hamzah madah, lumba en- tarabansa nya kedua kali diatur pengudah kepenudi diatur ba Sarawak 15 taun ti udah.

“Disadang lebih 100 pengusung nyengkaum apai indai, ruang bilik, bala bakih enggau raban pengatur ari menua luar deka ke Sarawak.

“Kami udah nyendiaka perais mata duit RM15,000 USD deka nganti bala pemenang,” ku iya. Karim mansutka jaku nya ba aum pemberita International Tennis Tour (ITF) World Tennis Women W15 Renggat Ketiga ba Ringkat 17 Begunan Baitulmakmur, Petra Jaya kemari.

Iya nyemetak madah, Sarawak diatu dikelala entara palan lumba tenis dipilih dunya seraya nyungkak industri dagang temuai menua.

Nambahka nya ku iya, pengawa milih Sarawak nyadi entara palan strategik pekit tenis entarabansa nya mega meri pangka positif ba pemansang lumba tenis kelebih agi raban biak.

“Kitai entara nengeri ti bisi fasiliti pemadu manah ba lumba tenis lalu tebal agi menua luar meri kerejasama manah ba pemansang tenis di Sarawak.

“Nya kebuah, aku pechayaka tu ulih nyaup kitai ngelakuka Sarawak ba mata dunya kelebih agi mengeri Kuching kaya enggau palan besejarah.

“Nya alai, kami enggaika sebarang isu nyadi lalu keran dekaka bala pengusung ngasaika peneleba enggau kenang manis datai ditu,” ku iya.

Ba lansa sama, Karim madahka bisi tiga pekit besai tenis deka diatur pengudah abis ITF Tennis Women W15 nya ila.

Tiga pekit nya baka Trofi Premier Sarawak ITF World Tennis Tour Juniors J300 (J1) berengkah 14 ngagai 19 March tu.

Seraya dua agi pekit iya nya Pekit ITF World Tennis tim junior indu baruh 14 taun (U-14) enggau ITF World Tennis tim junior le- laki U-14 bela diatur kena 20 ngagai 26 March enggau 27 March nyentuk 2 April tu.

Nangkan nya, Presiden Gerempung Lawn Tenis Sarawak (SLTA), Datuk Patrick Liew madah, empat pekit entarabansa nya pekit dirikodka berengkah pun taun nyentuk tengan taun 2023.

Iya nyemetak madah, nya inisiatif STLA ngangkatka lumba tenis kelimpah nyikap atlit Sarawak bepekit ba Lumba Malaysia (Sukma) ke deka datai.

Iya meri terima kasih ngagai orang luar laban udah nyukung enggau milih Sarawak nyadi nalan belatih enggau pekit nya.

“Kami udah nerima sekeda pesan peminta ari menua luar ti deka datai ngagai Sarawak enggau belatih ba palan latih tenis ditu.

“Tu endang berita manah ungkup lumba tenis Sarawak eng- gau mega pem- inat lumba tenis laban ditu kitai ulih meda peneleba pemain pemadu nyulut dunya,” terang iya.

BERITA LAIN

Kerap pantau harga barang

SIBU: Impak kenaikan harga diesel di Semenanjung kemungkinan akan memberi kesan kepada Sabah dan Sarawak. Kebimbangan ini disuarakan oleh Ahli Dewan Undangan Negeri (ADUN) Bukit

BERITA TERBARU

Kerap pantau harga barang

SIBU: Impak kenaikan harga diesel di Semenanjung kemungkinan akan memberi kesan kepada Sabah dan Sarawak. Kebimbangan ini disuarakan oleh Ahli Dewan Undangan Negeri (ADUN) Bukit