ARTIKEL

TABI PUJI.. Syviana (tengah) ti diapit Allen Jubang enggau Armenia pengudah dichiri nyadi Kumang Gawai RPJ

Kumang Gawai RPJ 2024 dipenggi Syviana Rinya

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

BINTULU: Syviana Rinya Galing mujur dichiri nyadi Kumang Gawai Raban Pengelandik Jari (RPJ) pengudah ngalahka tujuh penyereta bukai ba Pengerami Makai Lemai Ngiling Tikai Gawai RPJ 2024 ba Restoran Dinner World ditu, malam Hari Enam tu tadi.

Berebak enggau nya, dara beumur 20 taun nya mai pulai perais mata duit RM1,500, baucher RM1,000 ti dipelanja Borneonative, trofi, setipikit, jumpang, bungai enggau selampai.

Penuduk kedua tauka Lulong Gawai RPJ dipenggi Allen Jubang, 29, sereta mai pulai perais mata duit RM1,300, baucher RM500 dipelanja Borneonative, trofi, setipikit, jumpang, bungai enggau selampai.

Nangkan nya, Armenia Saramy Thomas, 19, menggi gelar Selingar Matahari Gawai RPJ tauka ba penuduk ketiga.

Iya mai pulai perais mata duit RM1,200, baucher RM300 dipelanja Borneonative, trofi, jumpang, bungai enggau selampai.

Dulu agi ari nya, Sapit Presiden RPJ, Sandine Bennidect madah, sekumbang lapan taun RPJ ditumbuh, raban sida deka terus angkun ngangkat seni krafjari asal komuniti Dayak ba Bintulu kelebih agi nengah media sosial.

Iya madah, RPJ deka terus nambah pangku pengawa sida ba pengawa ngangkat industri krafjari ba nengeri tu sereta meransang rebak biak ngaul diri ba pengawa seni enggau main asal.

Ku iya, nya nyengkaum seni krafjari ti ulih nyungkak penatai pemisi besai ngagai sida ti mekuh pengawa nya.

BERITA LAIN

Nempa Sarawak nyadi tibang pemakai

TUSUN KETERUBAH MINAT Reynold anak Jacktola, 29, ti rindu agi dikangau Nol ba pengawa betanam betupi nya endang dikembuan iya ari mit laban iya datai

Tebing Sungai Saratok deka diseleti meruan

SARATOK: Perintah Sarawak deka nyeleti pengkalan ba seberai Pasar Saratok enggau jematan dikena ngelayang Sungai Paon. Kaban Kunsil Nengeri (ADUN) Kalaka, Mohamad Duri madah, sepenyampau

BERITA TERBARU