ARTIKEL

Kus OGSP deka diatur baru 12-14 November

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

PAKAN: Kus Pasport Pengelikun Minyak enggau Gas (OGSP) deka diatur baru ditu, kena 12 nyentuk 14 November tu ila beduduk ari timbal ke chukup manah ari raban nembiak.

Sebedau tu, AJ Truly Spices Enterprise enggau Palan Pengelikun enggau Pengerai Pengereja Pengawa (NIOSH) udha mujur ngatur Kus OGSP ditu sereta meri pemaik ngagai raban nembiak ke diau besemak.

Kus nya diatur kena 5 enggau 6 November tu tadi bepalan ba Palan Internet Pakan sereta digulu nembiak ari pelilih Pakan, Sarikei, Kapit, Saratok, Meradong sereta Julau.

Menijar AJ Truly Spices Enterprise ti mega nyadi pengelicha kus tu, Tedong anak Chakaw madahka kus tu endang patut dikembuan siku-siku pengereja pengawa sebedau sida iya minta masuk gawa ba bidang minyak enggau gis.

Ku iya, genap iku sida ke udah ngulu kus deka diberi kad OGSP nyadika kelai sida udah mereti pasal pengelikun maya gawa lalu nemu bagi pengawa ke tau enggau enda tau digaga ba bidang nya.

“Kebuah program tu diatur ba Pakan dikena ngemuntang raban ke minat gawa ba bidang tu enda masau belanja ngambi kus ke sama ba endur bukai laban nya begunaka mayuh ungkus,”ku Tedong nerang ngagai Ruai Suara Sarawak.

Nangkan ke nya ku iya,mayuh pengelebih sida ke udah bisi kad OGSP lalu tu mih pemanah enti udah kala ngulu kus tu.

“Pengelebih sida ke bisi kad OGSP tu baka deka bisi insurans Takaful sereta enda kiruh muai awak enggau belanja dikena ngambi kus Kad Gadung ari Palan Pematih Kunteriktor Malaysia (CIDB),”ku iya.

Nya alai, arapka nembiak ke udah bisi kad OGSP tau terus nguji minta pengawa ke udah lama diining sida ngelama tu lalu terus titihka atur pengelikun ke udah dipelajar ari kus.

BERITA LAIN

Belematika pemesai reti turai sejarah Sarawak

SIBU: Pengerami ‘722 Run For Sarawak’ udah dikelala nyadi sebengkah pengerami ti besai reti nyerumba Hari Sarawak. Sapit Menteri Pengerai Mensia Mayuh, Pengawa Berumah enggau

BERITA TERBARU

SU Enterprise juara edisi sulung

KOTA SAMARAHAN: Pasukan SU Enterprise FC berjaya merangkul gelaran juara Kejohanan Bola Sepak Veteran 2024 anjuran Unit Saberkas Kampung Tanjung Bundong, Kota Samarahan. Skuad yang

Tingkatkan kesedaran bayar balik pinjaman

MUKAH: Perbadanan Pembangunan Perumahan (HDC) mendedahkan sebanyak RM477,189 jumlah tunggakan bayaran balik Skim Pinjaman Rumah Panjang direkodkan di Bahagian Mukah sehingga Julai 2024. Pengerusinya Abdul