ARTIKEL

KENANG BEREGA… Albert (kanan) enggau Tang (tiga kiba) begambar ungkup kenang enggau lima penyereta KVK ti mujur nyapu dua midul enggau siti anugerah khas ba Pekit Inovasyen Renggat Antarabansa 2024 ti diatur kena 22 nyentuk 24 Februari tu tadi.

KVK nyapu dua midul, siti anugerah ba Pekit Inovasyen Renggat Antarabansa 2024

Facebook
Twitter
LinkedIn
WhatsApp
Telegram

KUCHING: Kolej Vokasional Kuching (KVK) mujur nyapu dua midul enggau siti anugerah ba Pekit Inovasyen Renggat Antarabansa 2024 ti diatur tiga hari berunggu kena 22 nyentuk 24 Februari tu tadi.

Ba pekit nya, penyereta KVK mujur bulih siti midul emas, siti engkeraju enggau siti Anugerah Khas ungkup Kategori Inovasyen Pemakai ba baruh Anugerah Inovasyen Nembiak Asia (AYIA).

Bisi 14 menua masuk pekit nya ti diatur ba Palan Dagang Dunya Putra (PWTC) nyengkaum Malaysia, Taiwan, Hong Kong, China, Indonesia, Vietnam, Poland, Azerbaijan, Iran, Jipun, Singapore, Thailand, Kanada enggau Saudi Arabia.

KVK udah nganjung lima penyereta sida ti mega nembiak Diploma Vokasional Malaysia Taun Satu, Semester Dua, Program Seni Kulinari.

Raban nya diembing enggau diiring dua iku pengelicha KVK ti betuaika Albert Tajo Miva lalu disempulang Tang Tien Mee.

Direktor KVK, Ts Dr Lim Ah Juan madahka penyulut nya endang penyulut semua orang laban enti nadai kerejasama begulai udah tentu nya enda ulih dijapai sida.

Baca lain  Program 'Talk to Us', inisiatif Polis Marudi betemu enggau mensia mayuh

“Nya alai, tabi puji enggau terima kasih ngagai semua kitai ti udah kiruh sereta bekerejasama nempa penyulut tu.

“Ngarap udah tu, KVK deka terus nempa mayuh agi penyulut besai ngambi KVK majak dikelala ba pengawa nempa graduet ti bisi kualiti,” ku iya.

Nangkan nya, Albert madah, penyulut nya chukup ngemegah sereta kelai manah ngagai KVK ba pun taun tu ngambi terus nempa mayuh agi penyulut dudi hari.

“Terima kasih ngagai sukung raban pemelanja baka Opis Menteri Pelajar, Inovasyen enggau Pemansang Penau Sarawak, Sweet Memories Café sereta Gerempung Apai Indai enggau Pengajar (PIBG) KVK,” ku iya.

TEMEGAH… Albert (kanan) enggau Tang (kiba) temegah mantaika midul enggau anugerah ti diulih tim sida ba Pekit Inovasyen Renggat Antarabansa 2024.

BERITA LAIN

779 pekebun lada di Serian nerima bantu

MINDY VELARIE CASILYsuarasarawak.sv@gmail.com SERIAN: Sepenyampau 779 pekebun lada di Serian nerima bantu ari Kaunsil Lada Malaysia (MPB). Sapit Menteri Industri Pemakai, Komoditi enggau Pemansang Wilayah

Horimyo puh ngerembai ‘tebori’ Jipun

KELIA di menua Jipun, lebuh tubuh nuan bisi kelingai, nuan deka dikumbai siku orang jai tauka dikumbai orang ‘mafia’. Tang empas ubah jeman ti majak

Bujang Simanggang landik bekelingai

BA Sarawak, pengawa bekelingai chukup tebilang ba komuniti kitai Iban laban nya nyadi kelai ukir bujang berani pengelala bansa. Ari sukut pemanah enggau pengelala diri,

Penyulut 309 nembiak dirami

KUCHING: Sepenyampau 309 nembiak ari Universiti Teknologi Swimburne Kampus Sarawak udah nerima skrol ba pengawa graduasyen keterubah universiti nya, ditu kemari. Pengawa tu udah mujur

BERITA TERBARU

Hina Premier Sarawak, tiga Setiausaha lapor polis

KUCHING: Tiga Setiausaha kepada Premier Sarawak bertindak membuat laporan polis berhubung kes dipercayai menfitnah Premier Sarawak, Datuk Patinggi Tan Sri Abang Johari Tun Openg oleh