ARTIKEL

Lagu Baka Duku Patah Ulu ari DanielaSglg ngenang kisah merampau ditinggal sulu ati

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

Daniela anak Sengalang tauka DanielaSglg belabuh chakah ba pengawa pemerindang kenyau ari umur 10 taun sereta majak dikelala mensia mayuh pengudah nyadi Champion Pekit Belagu Solo Irama Malaysia diatur ba Miri taun 2018.

Diatu DanielaSglg datai baru llagu solo kedua asil keranjai jari Komposer Kenny Subat dikumbai Baka Duku Patah Ulu pengudah mujur ngeluarka solo keterubah Nadai penyangkai bulan Mei tu tadi.

“Maya beumur 10 tauka 11 taun, aku endang udah chakah ba pengawa seni baka betanda.

“Udah nya, endang nyadang menang ba pekit belagu irama Malaysia taun 2018 ngujunka aku lebih teperansang ba bidang tu.

Dikena ngansah penau diri, aku belatih nyadaka lagu-lagu Iban ba media rama baka Facebook enggau Youtube.

BAJIK…Daniela Sglg lebuh dikanggau merindang atas panggau ba sebengkah pengerami sebedau tu.

“Bekau ari nya, nama aku majak dikelala baka pengudah mai lagu Pengerindu Betuchik Laman ari Winnie Albert.

“Meda penau aku belagu dia aku nerima kangau ari Serikat Kumang Sangon Production ti bepalan di Kuching nyadi siku penanyi rikoding dibaruh sida,” ku DanielaSglg madah ngagai Ruai Suara Sarawak.

LAGU BARU

Ngelansa pasal lagu Baka Duku Patah Ulu, DanielaSglg madah lagu tu nyeritaka pemedis ati siku lelaki ti ditinggalka pangan indu iya pia aja lalu ngujungka iya kusut runding sereta lama merampau.

“Tang, nyau kelama baru iya ulih nerima genap pekara ti nyadi lalu ba jam ti sama seruran ngarapka tembawai lama iya suba pan deka bulih sereta ngasaika pemedis ti sama baka diasaika iya ngelama tu,” ku iya seraya madahka diri merambu deka nyambung pelajar ngagai tikas Diploma.

PENELEBA RIKODING

Lebuh ditanya pasal peneleba rikoding lagu, Daniela madahka diri chukup benasit laban bepeluang ngerikod siti lagu ti ditaruh sepengelama 13 taun ari siku penengkebang iya ke chukup bepenau sereta landik nengkebang leka enggau tiun lagu baka Kenny Subat.

“Lagu tu begunaka sada nyawa ti tinggi kelimpah mayuh bemain enggau pengasai ati.

“Taja pia, aku naka ulih belematika genap genteran leka lagu tu ngambika ulih disadaka enggau senutuk.

“Ukai nyamai, nyadaka siti lagu ti udah lama diperam. Puji Tuhan, berekat ari sampi bala kelimpah pechayaka penau diri aku mujur nyadaka lagu tu enggau manah,” ku iya.

PERANSANG ARI APAI INDAI

DanielaSglg

DanielaSglg ke asal ari Rumah Jelaping Sungai Arang B, Bakong, Marudi di Miri ngembuan juluk deka nyadi pengajar.

Iya madah apai enggau indai sereta semua sida sebilik seruran nyukung iya ba pengawa pemerindang ari mit nyentuk ke diatu.

Nya alai, anak pengkuan ari tiga iku diri menyadi tu milih ngengkahka nama puntang apai iya (Sengalang disebut Sglg) ba belakang nama iya DanielaSglg.

PEMAR BEGELAR PENANYI

Pia mega DanielaSgsg madahka diri enda ulih lari ari nerima bemacham petenah tauka pejah sekumbang begelar penanyi.

“Pekara nya udah nyadi asam garam lalu aku mega enda ulih lari ari napi penguji nya.

“Sigi bisi aja orang enda lantang ati enggau pengawa ke digaga kitai lebih agi enti kitai udah ulih nyapai sesebengkah pemujur lebih agi ba pengawa pemerindang.

“Taja pia, pekara nya enda ngasuh aku mantul ati tang deka ransing agi nyapai pemujur ba bidang tu laban ke endang udah dikerindu kenyau ari mit,” ku iya.

PESAN NUJU PEMINAT

DanielaSglg mega ngarapka pejalai iya dalam dunya pemerindang terus nerima sukung ari peminat.

“Juluk ati aku iya nya ngarapa diri ulih masuk pekit Anugerah Charta Sapa Juara (ACSJ) jemah.

“Nya beguna amat nyadika kelai sukat pemujur aku ba pengawa belagu.

“Terima kasih nuju semua peminat ke seruran mer sukung ari suba nyentuk ke diatu,” ku iya.

Nangkan ke nya, DanielaSglg meri terima kasih ngagai penulis lagu Baka Duku Patah Ulu, Barky Sagai laban udah mayuh mantu nyentuk lagu tu ulih ditebah ba meda rama. Sapa ti apin ninga lagu datai mih ngelawa Channel Youtube Kumang Sangon Production, ku iya.

BERITA LAIN

BERITA TERBARU

PM Thailand disahkan positif COVID-19

BANGKOK, Thailand: Perdana Menteri Thailand, Srettha Thavisin, mengesahkan semalam bahawa beliau positif COVID-19. Srettha mengumumkan di akaun rasmi X miliknya bahawa beliau akan mengambil cuti

Tulisan beracun

MATA pena lebih tajam daripada mata pisau. Sama seperti pisau yang dapat digunakan untuk mengukir, alat yang sama juga dapat digunakan untuk membunuh. Pisau dapat

Zii Jia juara Terbuka Australia

KUALA LUMPUR: Pemain perseorangan lelaki profesional negara, Lee Zii Jia meraih gelaran kedua musim ini selepas  merangkul kejuaraan Terbuka Australia 2024 dengan menewaskan wakil Jepun