ARTIKEL

JULIANA A

Lagu Disindir Entua ngangkatka nama Juliana A ba dunya pemerindang Iban

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

…Lebuh kitai sebilik makai, jaku indai nuan lain amai, suah dibanding aku enggau menantu bukai, aku nemu diri empu, menantu ti dikeenggai, nuan ambai suba deka dipadu enggau indu bukai…

BAKA nya ku sekeda genteran lagu Disindir Entua ti disadaka siku penanyi ti baru nyingkangka kaki ba dunya pemerindang Iban, Juliana A.

Lagu dikeluarka nengah pelasar YouTube Selampai Kumang Music Studio kena 2 November 2023 tu tadi mujur nyadi trending enggau buah mulut mensia mayuh.

Naka diatu, lagu nya udah dipeda ba penyuah lebih 1.1 juta kali sereta nerima kelai like lebih 11,000 ari mensia mayuh.

SEBANA NYADI MENANTU
Lagu ti mujur mai nama Juliana A majak pegari nya ngenang sebana siku menantu indu ti suah disindir, dipejai enggau dikeenggai entua.

Nusui lenak agi, Juliana madah, entua ngenggaika indu nya laban iya ukai menantu ti dipilih enggau dipinta sida sereta nadai pemandai.

Tambah mega, ku iya, entua nya udah bisi indu ti dipilih ati lalu deka disabung jadi enggau anak bujang sida.

“Amat meh menantu nya endang dipilih anak bujang sida empu tang ketegal ukai indu ti dikedeka entua ngujung ke menantu nya suah amat disindir enggau dipejah ngena jaku jai.

“Sekumbang nyemilik entua, menantu nya suah amat sebanaka diri dipejai entua sereta dibanding enggau menantu bukai nyentuk lauk disumai tudah pen dikumbai enda nyamai,” terang iya.

Seraya madahka cherita dalam lagu nya nadai mangka pengidup diri, Juliana ngelalau bala entua ngambi nerima manah indu ti dipilih anak sida.

“Bebasa meh ngagai menantu diri baka kitai ti bebasa enggau sayauka anak diri empu taja pen iya ukai indu dikedeka kitai.

“Nyema dudi hari ila, ukai ngajihka rangkang ngachuk mata, anak indu kitai diayahka entua sida baka nya, nama pengasai ati kitai?

“Enti kitai enggai meda anak kitai digaga orang bukai baka nya, udah tentu apai indai indu nya pen enggai meda anak sida dipejai kitai,” ku iya.

Juliana nyemetak madah, anang sesekali mandingka tudah enggau menantu bukai nyangka dudi hari ila enti kitai udah tuai, kada enda menantu dikeenggai kitai nya ti mentas sereta ngintu kitai ti nyau lelangai.

Nangkan nya, penanyi beumur 27 taun nya madahka diri beterima kasih laban ngempu entua ti chukup mentas, penuh penyiru sereta bebasaka iya.

JEREKI DIBERI PETARA
Anak kedua ari tiga iku diri menyadi nya endang minat amat belagu lalu lebuh bisi maya lepa iya suah belagu ba sebelah media sosial baka TikTok.

Ukai naka nya aja, lebuh bebelaka lauk, nyumai, masu gari enggau ti bukai, iya sigi reradak nebah nyawa belagu.

Nyau pemuas cover lagu ba TikTok, dia penau Juliana ba pengawa belagu enggau pemanah sera nyawa iya mujur narit ati siku komposer tebilang.

Iya pen lalu ditanya komposer nya ngerikod enggau ngeluarka lagu ba baruh perabung sida lalu kena 14 Ogos 2023, Juliana diberi pengandal ati nyadaka lagu Disindir Entua ti mujur dikeluarka ba YouTube kena 2 November 2023.

“Nya meh lagu single keterubah ti mujur dirikod enggau dikeluarka aku lalu ba timpuh ti semak tu, aku deka ngeluarka lagu single kedua.

“Aku ngarap bala peminat liat ati nganti lagu single kedua aku tu sereta terus nyukung pejalai aku ba dunya pemerindang.

“Aku enggau ati ti baruh beterima kasih ngagai semua kelebih agi bala peminat ti udah meri timbal manah ngagai lagu Disindir Entua.

“Terus terang aku madah, aku sigi nadai ngadang lagu tu nerima timbal ti chukup manah sereta dikerindu semua orang.

“Aku sedarka diri empu agi baru ba dunya pemerindang, udah tentu mayuh pengurang penimpang ba aku,” tusui iya.

Penanyi ti landik nyumai nya bela beterima kasih ngagai laki dikesayau, sida sebilik, kaban belayan enggau bala bakih ti enda leju meri sukung penuh enggau besampika pemujur iya ba pengawa merindang nya.

RANSING MERINDANG
Lebuh ngujung ke randau, Juliana madahka diri deka ransing agi ngeluarka mayuh lagu dudi hari dikena merindang bala peminat enggau ngerichahka industri muzik Iban.

Iya madah, industri muzik Iban majak maju seraris enggau pemansang teknologi digital kemaya hari kelimpah ngeluarka bemacham rentak, tiun enggau video lagu ti bekualiti.

Nuju sida ti deka ngaul dunya pemerindang, ku Juliana, anang mantul ngapa tang terus chakah nyapai juluk diri ngambi nyadi nyata.

“Aram meh kitai begulai ngerichahka agi industri muzik kitai tu ngambi nyapai penyulut besai dudi hari,” ku iya.

Bala peminat enggau mensia mayuh ti deka nemu silik agi senentang kisah pengidup penanyi bepenau nya diperansang nitih enggau subscribe channel YouTube iya ti diberi nama Juliana Ambu sereta akaun media sosial iya ti bukai.

NEMPA NAMA… Lagu Disindir Entua ti disadaka Juliana mujur ngangkatka nama iya pegari ba dunya pemerindang Iban.
BEBASAKA MENANTU… Juliana ngelalau bala entua ngambi nerima manah menantu ti dipilih anak sida baka sida bebasa enggau sayauka anak diri.

BERITA LAIN

Statistik kangau ngenyit nurun

KUCHING: Penyampau kangau penusah ngenyit ungkup taun tu nurun nyentuk 5.1 peratus dibanding taun 2023. Pemangku Direktor Opis Bomba enggau Penyah Penusah Nengeri Sarawak (JBPM),

Buai tayar lama chara ti betul

KUCHING: Tiga ejensi chakah ngatur pejalai narak penyedar ngagai mensia mayuh senentang pengawa muai tayar lama enggau chara ti betul. Kerejasama tu udah dipelajai entara

Bomba Volunteer ditegap baru

KUCHING: Opis Bomba enggau Penyah Penusah Malaysia (JBPM) Sarawak keran deka negapka tanggungpengawa komuniti nengah Bomba Volunteer kelebih agi ba menua ulu. Pemangku Direktor JBPM

Dagang Birai Ason ikan salai laku

PENGEREKAI pandemik COVID-19 mai tuah ngagai Birai Ason, 47 laban iya mujur ngiga chara ngelakuka dagang ikan tilapia idup ngagai ikan salai. Diau ba Rumah

BERITA TERBARU

STU erat hubungan kerjasama dengan JPNS

KUCHING: Kesatuan Guru Sarawak (STU) buat julung kalinya mengadakan kunjungan hormat ke Jabatan Pendidikan Negeri Sarawak (JPNS), Rabu lalu (29 Mei). Presidennya, Kullin Djayang berkata,

Penunggang motosikal maut bertembung kereta

SEBUYAU: Seorang lelaki berusia 25 tahun maut selepas motosikal yang ditungganginya terlibat dalam kemalangan jalan raya dengan sebuah kereta di Jalan Kampung Seruyuk ke Sebuyau