ARTIKEL

Lagu solo kedua ari Rudy Peter, Nyema Ulih Ditikal Baru

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

Rudy Peter, siti nama baru dalam dunya pemerindang Iban tebilang enggau lagu ‘Kelalu Dalam’.

Peranak asal ari rumah panjai Sayat, Engkilili tu anak pengkuan ari tiga iku diri menyadi.

Taja chakah merindang, Rudy endang udah bisi batang pengawa tetap iya nya nyadi Penulung Pegawai Pelajar ba Opis Pelajar Lubok Antu.

Pengerindu ba pengawa belagu dikembuan Rudy kenyau ari sekula ngujungka iya mutus ati ngerikod lagu solo dikumbai Kelalu Dalam.

Lagu nya digaga dua diri menyadi ke mega komposer tebilang Matthius Mambang enggau Jesley Jabu lalu dikeluarka ba baruh perabung Kaban Music Production (KMP).

RUDY PETER

Maya dirandau Ruai, Suara Sarawak, Rudy madah lagu Kelalu Dalam nya bepelasarka pengerindu enggau penyayau ti pemadu dalam.

“Lagu nya nyeritaka pengerindu siku-siku orang ti kelalu dalam ngagai pangan diri nyengkaum apai indai tauka sapa-sapa aja sekalika ngagai ti agi idup baikka udah lesi, lalu pengerindu nya semampai dikenang.

Lagu tu mega kala bulih penuduk empat minggu bejurut lumur satu ba Charta Sapa Juara (CSJ) Waifm Iban lalu tujuh minggu bejurut lumur satu dalam Charta Cats Xposed Ethnic Division.

PENYIKAP DIRI

Ngelansa pasal pemar ti ditapi sekumbang begelar penanyi, Rudy madah sebedau mutus ati masuk dunya pemerindang iya sigi udah nyikap diri nempuh semua penguji.

“Beduduk ari pengeran enggau pengeransing, aku enggai bangat berundingka pekara ti negatif.

“Laban sigi nyadang ukai semua orang rindu meda kitai mujur tauka nyulut ba sebengkah pengawa ti dikereja.
Nya alai, jaku orang ti ngasuh ati ensiban ambi nyadika peransang,” ku iya.

Ngelansa pasal pemar sekumbang napi Atur Mindah Betagang (PKP) ketegal pengerekai Covid19, Rudy madah atur nya mayuh meri awak ngagai iya nyikap diri nyadi penanyi.

“Pengawa merindang tetap dipejalai tang ngena media rama baka Facebook endur ngayanka mua diri ngambika peminat meruan teperindang enggau mantupka pengelengau sida,” ku iya.

LAGU SOLO KEDUA

RUDY PETER

Lebuh ditanya pasal lagu baru ti deka dipansutka udah tu ila, Rudy madah merambu deka ngeluarka lagu solo kedua dikumbai ‘Nyema Ulih Ditikal Baru’.

“Arapka peminat lagu-lagu Iban meruan nyukung enggau ulih nerima lagu baru ari aku.

“Nuju bala penanyi bukai lebih agi rebak baru enggau lama mesti bekerejasama ngemansangka industri muzik kitai Iban.

“Pia mega, ngarapka semua kitai bela terus ransing tauka kreatif agi ngangkatka kualiti lagu Iban awakka terus dipebasa enggau dikerinduka dedini endur sekalika ba menua tu tauka ba menua luar,” ku iya.

Udah nya, Rudi meri besai terima kasih semua orang ke udah bebendar nyukung iya ngelama tu lebih agi sida sebilik empu, kaban belayan sereta semua peminat.

Enti ukai ketegal sukung ari mensia mayuh, sapa mih tudah aku, ku Rudy sebedau nutup randau.

BERITA LAIN

BERITA TERBARU

Anugerah pencetus semangat Bonnie

KUCHING: Jaguh powerlifting dunia kelahiran Sarawak, Bonnie Bunyau Gustin menyifatkan Anugerah Olahragawan Paralimpik Kebangsaan 2023 diterima malam kelmarin sebagai pencetus semangat untuk terus cemerlang dalam

Tiga bot nelayan ditahan APMM

MIRI: Tiga bot nelayan tempatan bersama 1,000 kilogram ikan dirampas oleh Agensi Penguatkuasaan Maritim Malaysia (APMM) Zon Miri di kedudukan 3.3 batu nautika barat laut

Geng Piji tumpas

KUCHING: Geng Piji yang aktif mencuri kenderaan selain terlibat dalam kes pecah rumah, samun dan curi kabel akhirnya tumpas apabila ketua termasuk 11 ahlinya dicekup