ARTIKEL

Langkar Jematan Gantung SK Ng Budu benung digaga

Facebook
Twitter
LinkedIn
WhatsApp
Telegram

SARATOK: Projek Ngaga Baru Jematan Gantung Sekula Primari (SK) Nanga Budu diatu udah datai ba renggat pengawa ngaga langkar.

Kaban Parlimen Saratok, Datuk Ali Biju madah, randau suah diatur begulai enggau raban bekaul pengudah agih belanja ngaga baru jematan gantung sekula nya dikemendar kena 18 Februari taun tadi.

Ku iya, randau baka nya beguna amat nentuka pejalai projek lanchar enggau mujur berengkah ari pun pengawa diatur ti ngaul mayuh raban.

“Lebuh ngemendarka agih belanja ungkup projek ngaga jematan gantung baru SK Nanga Budu tu suba, aku endang udah berunding ngaul semua raban ngemujurka pengawa tu.

“Pemadu baru, kena 6 September tu tadi, kami sebuat udah ngabas taba perambu projek nyengkaum raban Serakup Apai Indai enggau Pengajar (PIBG) enggau pengatur pengawa opis sekula nya sama datai.

“Bala pengari ari Opis Pelilih Saratok enggau Sitak Pemansang Betanam Betupi Begulai (IADA) Kalaka Saribas Betong mega bela datai enggau ngabas taba nya,” ku iya lebuh dirandau Suara Sarawak.

Asil ari randau sida sehari nya ku Ali, status pemadu baru projek nya diatu udah ba renggat ngaga langkar lalu tinda projek disadang dibantai suku keempat 2023 baka udah dipesetuju begulai.

Berindik ari nya, iya meri terima kasih ngagai semua raban ti sama kiruh ngatur pejalai projek nya kelebih agi raban sekula sereta SDO enggau IADA ti nyadi ejensi bejalaika projek nya ila.

“Terima kasih laban deka kiruh enggau ngelimpangka awak diri enggau bala kami ari palan servis ngabas taba enggau berandauka pejalai projek tu.

“Besampika Tuhan meri berekat enggau semua pengawa deka lantang enggau mujur dikereja,” ku Ali nyimpul randau.

Ungkup penerang, Jematan Gantung SK Nanga Budu ke lama diatu nyau enda likun agi ditengah laban mayuh ramu nyau udah repuk sereta patah.

Nya kebuah Ali enda belampung ati lebuh ngemendarka agih belanja dikena bejalaika projek nya enggau lengkas ungkup pengelikun enggau pengelantang semua kelebih agi bala nembiak, pengajar enggau staf sekula nya.

LAIN-LAIN BERITA

TYT berami enggau YAST Group

KUCHING: Tuai Pemegai Menua (TYT) Sarawak, Tun Wan Junaidi Tuanku Jaafar enggau bini iya, Toh Puan Fauziah Mohd Sanusi udah ngulu Pengerami Makai Lemai Taun

Mutang aruh iya dichiri mangku pengawa

LIMBANG: Pengawa nyiri ex-Kaban Parlimen Bukit Mas, Datuk Mutang Tagal nyadi Yang Dipertua Dewan Negara ke-20 endang meri besai pengandal. Sapit Premier Sarawak, Datuk Amar

Basa besai ngagai komuniti Dayak

KUCHING: Pengawa nyiri Datuk Mutang Tagal nyadi Yang Dipertua Dewan Negara Ke-20 nurai sejarah ngagai raban bansa Dayak kelebih agi Orang Ulu. Sapit Menteri ba

BERITA TERBARU

Azman Adnan, Ketua Pengarah Pendidikan baharu

PUTRAJAYA: Timbalan Ketua Pengarah Pendidikan (Sektor Operasi Sekolah), Azman Adnan, dilantik sebagai Ketua Pengarah Pendidikan yang baharu berkuat kuasa Selasa, demikian menurut Kementerian Pendidikan (KPM). Kementerian