BETONG: Bisi lapan dara bajik mujur masuk renggat final Pekit Kumang Gawai Betong 2023 kena malam 20 Mei tu.
Chairman Komiti Pengatur Pekit, Ujai Sambau madah, sida ti mujur datai ba renggat semifinal nya beumur 19 ngagai 27 taun.
“Bala pemekit tu bisi pengelebih kediri empu tang aku pechaya, akim profesional nya udah ngaga pemutus ti engkeman.
“Tabi puji lalu ngarapka lapan penyereta ulih datai ba renggat final ngerebut gelar Kumang Gawai Betong 2023 ti nyendiaka perais mata duit RM10,000,” terang iya.
Ku iya, tujuh ari lapan pemekit nya nembiak ti benung nampung pelajar ba palan pelajar tinggi.
