ARTIKEL

ANGUS LENGIS... Empat ari lapan buah rumah ba Lorong 16, Kampung Haji Baki ditu angus lengis.

Lapan rumah ba Lorong 16, Kampung Haji Baki angus

Facebook
Twitter
LinkedIn
WhatsApp
Telegram

KUCHING: Bisi lapan buah rumah dua ringkat bansa setengan dampa ba Lorong 16, Kampung Haji Baki ditu dituntung penusah angus tumu pagi tadi.

Pengari ari Bilik Operasyen Bomba madah, sida nerima kangau ngenyit bekaul penusah nya pukul 5.22 dini hari.

“Seraban bomba ari Balai Bomba enggau Penyah Penusah (BBP) Batu Lintang digerah ngabas palan penusah nya.

“Raban nya bela dibantu raban bomba ari BBP Tabuan Jaya enggau BBP Padungan,” terang iya.

Iya madah, empat ari lapan buah rumah nya angus lengis.

Kelimpah ari nya, ku iya, empat buah rumah urung 20X40 kaki persegi pemesai ti bukai semina angus 25 peratus aja.

“Raban nya ngerara api ngena konsep RECEO lalu operasyen ngerara api nya diketu pukul 6.38 pagi.

“Nadai orang diripotka bebadi nyawa lalu pun penyadi penusah nya enggau pengerugi reta tengkira ditapi raban tasah nya benung dipansik” ku iya.

BERITA LAIN

RM10,000 nganti Kumang Gawai Betong 2024

BETONG: Pekit Kumang Bagi Menua Betong 2024 nesau bala indu dara bansa Dayak selampur menua Malaysia ke beumur 18 taun enggau tuai agi ngerebut perais

Jini ninga indai manjung tiga kali

KUCHING: Anak tudah ti dipelaba ditagup jagu ba Sungai Rayu, Jalai Selang Lundu kena Hari Tiga tu tadi bisi ninga indai iya manjung tiga kali

BERITA TERBARU

Bacaan IPU Sarawak baik, sederhana

KUCHING: Indeks Pencemaran Udara (IPU) di seluruh Sarawak menunjukkan bacaan baik dan sederhana serta tiada bacaan tidak sihat direkodkan susulan letusan Gunung Ruang di Sulawesi