Latih pengelikun nyelamatka Rh Anyai ari angus

MIRI: Penyikar 32 iku peranak Rumah Ayai, Lubuk Kuini Sungai Saeh Putih, Niah ditu mujur nyelamatka rumah panjai sida ari angus lengis.

Ketuai Opis Bomba enggau Penyah Penusah Zon 6, Penguasa Kanan Bomba I Law Poh Kiong madahka penusah nya nyadi urung pukul 11.33 malam ngujungka sida Rumah Anyai serumah begau.

“Penusah angus tu mujur dipadam ti betuaika Tuai Rumah Ayai Sawing ngena lapan iti kereban pengerara api.

“Sida madahka ngena dua hos getah ari tangki enggau mujur ngerara api ari majak nyerarai,” ku iya madah ngagai Suara Sarawak, ditu tadi.

Iya mega madahka peranak rumah panjai 26 pintu nya udah bejalaika latih pengelikun penusah angus kena 10 November 2015.

“lebuh raban bomba datai ngesah endur nya, penusah angus udah dipadam lengkis enggau sebuah stor naruh minyak enggau injin api pemesai 10×5 kaki persegi udah angus lengis,” terang Law.

Suara Sarawak