ARTIKEL

LBC temegah produk mujur dipilih

Facebook
Twitter
LinkedIn
WhatsApp
Telegram

KUCHING: Dipilih nyadi siku ari 18 pedagang ti mandangka produk ba Karnival Barang Malaysia (KBM) Zon Sarawak nyadi kenang pemadu manis ngagai pemungkal produk madu kelulut, Elvyana Lina Kalong.

Produk pemajik ti bepelasarka madu kelulut iya baka sabun, minyak angi enggau serum mua mujur dipandang rambau pengerami nya ti diatur di Miri kena 20 nyentuk 22 Oktober tu tadi.

NGELAKU PRODUK… Elvyana bejaku enggau bala pemeli produk LBC ti bepelasar ke madu kelulut.

“Produk Lyana Beauty Care (LBC) udah dipilih ba program pemandang KBM 2023 Zon Sarawak di Bintang Megamall Miri tu tadi.

“Tu siti pengerembai manah ngagai dagang aku laban ari pengawa pemandang tu aku ulih berandau sereta ngulihka timbal ari mensia mayuh ti rindu ke produk pemajik bepelasar ke madu kelulut,” ku iya bejaku ngagai Suara Sarawak.

Ku indu asal ari Simunjan nya, KBM endang siti ari inisiatif manah perintah dikena ngelakuka barang menua sereta meri sukung ngagai pengemeran dagang produk menua.

“Kami andal perintah meri sukung ngagai dagang menua baka deka nentu rayat Malaysia nyukung Kimpin Meli Barang Malaysia (KBBM) ngujung ke kimpin tu meruan engkeman datai ke diatu.

“Pia mega, nya siti ari pengawa nanam ulah sayauka menua seraya ngangkat chap barang ari Malaysia ngagai renggat dunya.

“Nya alai, aku mai semua pedagang di menua tu bela mansutka produk ti manah, bekualiti enggau ulih dipechaya ngambi setikas enggau produk menua luar,” ku iya.

Ungkup penerang, bisi 18 raban pemandang dipilih dalam ngemujurka KBM 2023 Zon Sarawak ti mandangka mayuh bengkah produk nyelai ari nengeri tu.

Pejalai KBBM taun tu nyadi siti chara ti manah ngangkatka barang Malaysia lebuh kos pengidup enggau penanggul ekonomi ti ditapi selampur menua majak nambah.

LAIN-LAIN BERITA

Lenyau mentor ti bepenau

KUCHING: Penau Tun Pehin Sri Abdul Taib Mahmud enggau bisi runding strategik mujur mai pemansang moden ngagai Sarawak. Menteri Industri Pemakai, Komoditi enggau Pemansang Wilayah

Projek ART Johor bechuntoka pemujur Sarawak

KUCHING: Sistem Transit Aliran Autonomi (ART) di Sarawak deka nyadi malin ungkup projek ART ti deka dipejalai di nengeri Johor. Perintah Nengeri Johor benung ngelanggur

Sarawak ngulit dua hari

KUCHING: Perintah Sarawak ngemendarka timpuh ngulit selampur nengeri pengelama dua hari, belabuh sehari tu enggau pagila. Nambah ke nya, tambai mega digitang tengan tiang aja

BERITA TERBARU

Lenyau mentor ti bepenau

KUCHING: Penau Tun Pehin Sri Abdul Taib Mahmud enggau bisi runding strategik mujur mai pemansang moden ngagai Sarawak. Menteri Industri Pemakai, Komoditi enggau Pemansang Wilayah