ARTIKEL

Lebih 3,000 temuai meda penyelai kraf Sarawak

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

KUCHING: Sarawak deka mantai kraf enggau bemacham pesaka asal ba mata dunya maya Minggu Kraf London 2023 nyentuk 14 Mei tu.

Empat pedagang kraf Sarawak mega bisi ngaga demonstrasyen ba eksibisyen nya.

Lebih 3,000 temuai antarabansa dipelaba meda chara nyulam Keringkam, nenun Pua Kumbu, nganyam bakul enggau betusuk ke manik seramik peranak Sarawak.

Kelimpah ari nya, pengusung mega diberi peluang belajar pasal turai sejarah enggau pemesai guna genap kraf ti ditengkebang pupu bansa etnik ke nyelai ari Sarawak.

Menteri Dagang Temuai, Industri Kreatif enggau Seni Pemerindang, Datuk Seri Abdul Karim Rahman Hamzah mega udah ngabas taba eksibisyen Minggu Kraf London di Suruhanjaya Tinggi Malaysia, United Kingdom (UK).

“Setipak enggau hari nyiri Raja Charles III, pelasar nya ulih ngangkatka agi asil seni enggau kraf ti dipandang ngagai mensia mayuh.

“Kelimpah ari nya, edisyen Minggu Kraf London tu meri peluang besai ngagai pedagang kraf Malaysia mantaika pengelandik enggau produk kraf sida ngagai dunya,” terang iya.

Iya madah, eksibisyen nya mai besai reti ngagai empat pedagang kraf.

BERITA LAIN

BERITA TERBARU

‘Strongman Challenge’ tarik minat orang awam

KUCHING: Penganjuran pertandingan ‘Strongman Challenge’ dapat menggalakkan gaya hidup sihat dan minda yang kuat dalam kalangan anggota polis serta orang awam. Komandan Pulapol Kuching, SAC