ARTIKEL

NYUKUNG PROJEK KITA… Kim Shin nyuaka geran ngagai Margaret ti ngarika NSJA ngatur Kus Pemberita Jaku English nengah online. Sama bisi dipeda, Chai Choon Chin (kiba).

Lee Kim Shin ngemendar geran penyampau RM10,000 dikena nyukung projek NSJA

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

MIRI: Kaban Kunsil Nengeri (ADUN) Senadin, Datuk Seri Lee Kim Shin udah ngemendar geran RM10,000 ngagai Gerempung Pemberita Sarawak Utara (NSJA).

Ku iya, geran ti dikemendar nya di baruh inisiatif Projek Mit Pemansang Menua Pesisir (MRP) iya dikena nyukung ngatur Kus Pemberita Jaku English nengah chara online ke deka diatur NSJA bulan Julai tu.

“Geran tu dikena nyukung projek NSJA lalu aku andalka tu deka meri pemaik ngagai semua penyereta.

“Kus diatur NSJA tu dikena nambahka pengawa nguasa jaku English ba pemberita sereta negapka pengelandik komunikasyen sida,” ku iya lebuh nerima penemuai basa ari raban NSJA, kemari.

Penemuai basa NSJA nya betuai ke Presiden iya, Chai Choon Chin sereta disempulang Chairperson Pengatur Kus, Margaret Ringgit enggau Michelle Choo.

Nangkan nya, Margaret Ringgit madah, NSJA sedia mai raban iya belajar transfomatif nengah kus ti diatur nya.

“Neleba pemberita enggau kus tu, aku andalka kus tu deka mantu negapka raban NSJA nengah pengawa nguasa Jaku English sereta mantu nambahka agi kualiti ripot berita ti diasilka sida,” ku iya.

Kus Pemberita Jaku English nengah online diatur NSJA nya deka diatur bulan Julai tu di Curtin University tang haribulan apin ditetapka enggau deka dipadah dudi.

BERITA LAIN

Mayuh bantu ngubah pengidup rayat

DEBAK: Bemacham bansa bantu diberi perintah dikena ngubah enggau nyaga pengelantang rayat. Sapit Premier Sarawak, Datuk Amar Douglas Uggah Embas madah, nya nentuka rayat bulih

Gaji niki nipakka inflasyen

KUCHING: Perintah Besai dipinta nyemela pengawa nikika gaji nipakka tikas inflasyen ngambi pekara tu enda meri empas ngagai rega barang niki ti ngasuh atur nikika

BERITA TERBARU