Lelaki lemas ba Kapit, ditemu ba Song

SONG: Bangkai siku lelaki peranak Indonesia ti diripotka lenyau ba Gudang Pasar Baru Kapit kena Hari Satu tu tadi udah ditemu ba Sungai Iran, Song ditu, pagi tadi.

Nitihka penerang ari Pengari Palan Operasyen Bomba Sarawak, bangkai nya dikelala enggau nama Harry Mahrain beumur 37 taun.

“Mensia mayuh semak dia tepedaka bangkai melepung anyut ke ili sungai pasar Song berumban minta sah piak Indu Opis Polis Pelilih (IPD) Song.

“Sida udah nya ngangauka servis khas ari piak Bomba urung pukul 6.54 pagi,” ku penerang nya.

Tiga raban bomba diuluka siku pemesai, Abang Fadzil Abang Marzuki ngesah endur nya lalu ngambi bangkai nya.

“Kami pechaya, nya bangkai siku peranak Indonesia dipelaba lemas sebedau tu bepelasarka gari dikena iya sebaka enggau orang ti lenyau,” terang iya.

Operasyen SAR tembu urung pukul 8.40 pagi pengudah bangkai lelaki nya ditemu.

Suara Sarawak