Lelaki mati ngejal ba paking LTAK

KUCHING: Siku lelaki mati ngejal dalam sebuah kerita Perodua endur paking entukar Padang Bilun Entarabansa Kuching (LTAK) ditu.

Kenu ku Pemesai Bomba Senior II Chaplin Wan, niang beumur 48 taun nya ditemu siku pemesai polis bantu LTAK enda ngeleda lebuh bejalai matau endur paking urung pukul 1.20 dini hari tadi.

“Lelaki nya ditemu gali dalam kerita.

“Niang ditukuka pakar perubat parai lalu dianjung ke Sepital Besai Sarawak (SGH) ngambika dipansik,” ku iya ba penerang tadi.

Ku Chaplin, lebuh diperesa, gari ba tubuh niang agi meruan, baju bechura mansau enggau tanchut panjai chelum.

ENDA TEPADAHKA NYAWA… Ambulan mai bangkai siku lelaki mati ngejal ba paking LTAK ke SGH ngambika dipansik.

Suara Sarawak