Lelaki nyual perengka tubuh mensia digiga polis

KUCHING: Polis Sarawak benung nyidi siku lelaki peranak menua tu ke diripot nyadi pengatur pengawa nyual perengka tubuh mensia chara belalai.

Pengawa nya dipejalai beduduk ari ripot sebuah surat kabar bepalan di United Kingdom, The Sun pasal ulah lelaki nya.

Ku Kepala Polis Sarawak, Datuk Aidi Ismail, pansik kes nya mega udah dipejalai.

“Polis benung mansik kes tu enggau saspek mega benung digiga,” ku iya nerang lebuh dirandau Suara Sarawak seharitu.

Ulah apai ngagai empat iku anak beumur 48 taun nya udah ditemu lebuh dirandau pemberita The Sun ba Kuching lalu enda nemu seling perubat nyaru diri nyadi pemeli tungkul sengayuh ungkup bala iya di Britain ti begunaka tungkul sengayuh.

Iya diripotka bedagangka perengka tubuh mensia lalu nagit orang ti seranta ari serata dunya ngambi nyual perengka tubuh sida.

Suara Sarawak