ARTIKEL

BEGAYUT… Kelimpah mandi enggau nyemerai, sekeda bala nembiak rindu begayut ngena tali ba atas sungai. - GAMBAR MOHAMMAD GADAFI MAS

Libiki Bamboo Resort ngetan pemanah enggau pemeruan rampa menua

Facebook
Twitter
LinkedIn
WhatsApp
Telegram

LIBIKI Bambo Resort sebuah palan ngelantang ati ti patut dilawa tauka ditapatka semua orang kelebih agi diri sebilik, bala bakih enggau ti bukai.

Palan narit ati nya bepalan ba Kampung Bijuray Mongag, Bau urung 47 kilometer (km) tauka 55 minit penyauh ari Mengeri Kuching.

Enti ari Pasar Bau, palan nya semina 14 km tauka 19 minit penyauh enti ngena entukar.

Entepan entukar bisi disedia ungkup bala pengusung ti ngelawa palan nya lalu bayar ngengkahka entukar dia semina RM2 aja.

Palan nya dibuka ngagai mensia mayuh berengkah ari pukul 7am nyentuk 12 tengah malam ninting Hari Satu, Hari Dua, Hari Tiga enggau Hari Minggu.

Taja pia, enti Hari Empat, Hari Lima enggau Hari Enam berengkah dibuka pukul 6 pagi nyentuk 2 dini hari.

Mensia mayuh ti ti deka nemu silik bekaul palan ngelantang ati nya enggau aktiviti ti bisi diatur dia diperansang betelefon terus ngagai sida ba lumur 011-26416009.

Sida ti rindu nimpai pemanah rampa menua gadung, nyintak angin beresi sereta ngasaika penyelap ai sungai ari bukit diperansang ngelawa palan tu.

Baca lain  Duit FAS lebih setengah juta lesap

Ungkup bala pengusung ti deka bemalam, Libiki Bamboo Resort bisi nyendiaka rumah endur diau ti digaga ari kayu enggau buluh.

NARIT ATI… Pengusung ulih nepan ATV ngelingi Libiki Bamboo Resort. – GAMBAR MOHAMMAD GADAFI MAS
BEMARIN… Pengusung ulih nirika langkau kimis ba palan ti bisi disedia. – GAMBAR MOHAMMAD GADAFI MAS

Bayar semalam diau ba rumah nya iya nya RM180 enggau besai agi ari nya nyengkaum pakej makai pagi.

Kelimpah ari nya, pengusung mega ulih nirika langkau kimis ba palan lapang ti bisi disedia ba endur nya.

Bala pengusung ti deka besilih gari pen enda patut irau ati laban bisi bilik mandi enggau agu disedia dia lalu nya chukup beresi.

Bemacham aktiviti narit ati bisi diatur dia baka mandi sungai, berakit, begayut, main sepak takraw, nimbakka laja, ngelingi palan nya ngena All Terain Vehicle (ATV) enggau ti bukai.

Ukai naka nya aja, sida mega bisi nyendia servis Gazebo ti berega entara RM20 nyentuk RM50 nyengkaum endur manggang, singki bebasu, bangku, mija enggau endur anak mit tauka orang tuai gali pen bisi disedia.

Sungai ti bisi dia diuan mayuh bansa ikan laban sida ngemeratka sistem tagang ba endur nya.

Baca lain  Beserakup baru dalam PBDS baka dulu suba

Raban muslim enda patut irau ati bekaul pemakai laban sida bisi nyendia pemakai lalu endur manggang semina ungkup pemakai halal aja.

Entara pemakai ti bisi disedia dia baka manuk pansuh, ikan panduk asam pedas, tubu guring, telu sambal enggau mayuh agi ti bukai.

Pengusung mega enda patut irau ati lebuh ngelawa palan nya laban pengelikun ba endur nya enggau bala pengusung semampai dikemarat bala jaga.

Sungai dia chukup lantang endur mandi lalu bisi palan ti pabu engkeman ungkup bala nembiak mit mandi.

Bala apai indai enda patut masau peluang bebaika diri sebilik ngelantang ati ba Libiki Bamboo Resort laban mayuh aktiviti ulih diatur dia begulai enggau bala anak.

Nambahka nya, palan nya ulih mantu bala apai indai ngedut pemanah kaul enggau diri sebilik lalu bala nembiak pen ulih ngedut pemanah kaul enggau bala bakih.

Pemanah rampa menua gadung enggau penyiru sungai ulih narak siruka rampa menua ngagai bala nembiak mit.

Baca lain  RM60 juta diagih kena numbuhka Terminal Agro Pemakai
HALAL… Raban muslim enda patut irau ati laban Libiki Bamboo Resort bisi nyendia pemakai enggau palan manggang ungkup pemakai halal aja. – GAMBAR MOHAMMAD GADAFI MAS
LANTANG… Libiki Bamboo Resort bisi nyendia endur bemalam ti lantang ungkup pengusung ti deka bemalam dia. – GAMBAR MOHAMMAD GADAFI MAS

BERITA LAIN

Tim Segak FC nyulut

KUCHING: Tim Segak FC mujur ngempu gelar champion ba Pekit Main Bol Empat Penjuru Trofi Segak FC 2024. Tim ti mayuh dipilih nya mujur ngalahka

Kelas ngajat deka diatur enda lama agi

SAMARAHAN: Serakup Dayak Bukit Kelingkang (DBK) Pampang Melikin begulai enggau Kebudayaan Dayak Bumi Kenyalang (KDBK) deka ngatur Kelas Ngajat Renggat Ke-14 ba Samarahan enggau Serian.

BERITA TERBARU