ARTIKEL

BUNGKUR INTERNET MANAH AGI... Liwan mantaika jurai ba Aum DUN ditu tadi. | GAMBAR UKAS

Lima tiang pemanchar telekomunikasyen SMART didiri di Dudong

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

KUCHING: Bisi lima tiang pemanchar Telekomunikesyen Menua Pesisir Kaunsil Multimedia Sarawak (SMART) udah didirika ba Sitak Kunsil Nengeri (DUN) Dudong.

Sapit Menteri Utiliti enggau Telekomunikesyen, Datuk Liwan Lagang madah, dua ari lima tiang pemanchar telekomunikesyen nya udah dikena.

Ku iya, seraya tiga da tiang telekomunikasyen nya benung digaga ba mayuh renggat pengawa lalu disadang tembu berenggat nyentuk suku keterubah 2025.

“Kelimpah ari nya, Perintah Besai udah ngagihka 16 tiang pemanchar telekomunikesyen di baruh initiatif Pelin Kaul Digital Menua (JENDELA) nengah Komiti Besai Komunikesyen enggau Multimedia Malaysia (MCMC).

“Ari penyampau nya, dia 13 tiang pemanchar udah tembu lalu udah dikena ke alai tiga da tiang agi digaga berenggat nyentuk suku keempat taun 2024,” terang iya.

Liwan bejaku munyi nya lebuh nyaut tanya Kaban Kunsil Nengeri (ADUN) Dudong, Datuk Sri Tiong King Sing rambau Aum DUN Ke-19 ba DUN Sarawak ditu, tadi.

Iya madah baru, Perintah Sarawak betatika pejalai program intervensyen ungkup nyeruri enggau ngerumban pengawa nyikap perengkaguna telekomunikesyen internet di Sarawak ngena belanja Sarawak empu ti dipun enggau RM1.89 bilion tang udah nambah ngagai RM2.25 bilion diatu.

“Ngenang pasal isu bungkur arus telekomunikesyen di Jalai Naman enggau Jalai KJD, bisi 14 buah tiang pemanchar telekomunikesyen udah ulih dikena lalu nyediaka servis 4G.

“Bisi 15 tiang pemanchar telekomunikesyen 4G baru udah ulih dikena di DUN Dudong.

“Lalu 15 tiang pemanchar telekomunikasyen nya didiri ba Sekula Sekondari (SMK) Sibu Jaya, Indu Opis Rimbunan Hijau, Sibu Jaya Public Park, Sibu Jaya Flat, Lorong Sibu Jaya, Jalai Salem, Sekula Primari (SK) Ulu Sungai Naman, SK Ulu Sungai Sengan, Rumah Ledom Stabau, SK Sungai Menyan, Rumah Nanga, SK Assan Nunggang, Jalai Salim Stabau 3, Sungai Ulu Menyan enggau Simpang Kanowit,” ku iya.

Liwan nyemetak madah, MCMC seruran bejalaika aktiviti audit rentayan enggau pengawa nguji kualiti arus telefon berenggat di selampur Sarawak nyengkaum sitak Dudong ungkup nentuka standard mandatori dititihka.

BERITA LAIN

Dua pendam lama di Song disengkubang

SONG: Dua pendam Iban ditu udah disengkubang orang nadai tanggungpengawa ba penusah diripot nyadi kena 20 enggau 22 Mei tu tadi. Tuai Polis Pelilih Song,

Kaul komuniti Dayak meruan teguh

LUNDU: Penyerakup komuniti Dayak diatu chukup teguh taja ari bemacham raban etnik, ku Sapit Premier, Datuk Amar Douglas Uggah Embas. Iya ti temegah beratika pekara

BERITA TERBARU

RM35,000 untuk ganti paip graviti lama

PAKAN: Sejumlah RM35,000 telah diperuntukkan kepada Sekolah Kebangsaan (SK) Ulu Entaih bagi membeli dan menggantikan batang paip graviti lama sekolah tersebut untuk kegunaan seharian mereka.