Limbang majak dikemansang

Pemansut produk betanam betupi besai S’wak

LIMBANG: Pemansang Limbang deka seruran dikemerat kelebih agi ba pengawa betanam betupi.

Menteri Muda Betanam Betupi, Dr Abdul Rahman Ismail madah, iya naka ulih ngena pangku pengawa dilempai bejalaika pengawa ti ulih meri pemaik ngagai komuniti di menua nya.

“Kitai deka ransing agi ngemansangka Pelilih Limbang nyadi entara pemansut produk betanam betupi besai di Sarawak,” ku iya.

Iya mansutka jaku nya lebuh bejaku bejadi hari kedua Pesta Babulang enggau Lumba Kerebau, Batu Danau, ditu kemari.

Ku iya, kandang diatu pengawa nanam rian Musang King benung chakah dipejalai ari pengulih makit sereta peminta tinggi.

“Belanja penyampau RM2 juta udah diagih dikena meli paung rian Musang King,” ku iya nambah.

Pekit pemajik gamal dikumbai Agak Asal ungkup nembiak mit enggau Agak Badoro bisi diatur ngerichahka Hari Kedua Pengerami Babulang enggau Lumba Kerebau.

Enam iku nembiak lelaki enggau lapan iku nembiak indu beumur lapan taun enggau biak agi bepekit ba Pekit Agak Asal Nembiak Mit sereta tujuh iku indu beumur 45 taun enggau tuai agi nyereta pekit Agak Badoro.

 

CHAMPION… Pemenggi gelar Agak Asal Nembiak Mit kategori indu nerima perais mata duit penyampau RM400.