ARTIKEL

Linas nyungkak industri mulung enggau apung

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

MUKAH: Perintah Sarawak udah setuju numbuhka Kaunsil Industri Mulung enggau Apung (Linas) ungkup pengerembai industri mulung enggau apung di menua tu.

Kepala Menteri Datuk Patinggi Abang Johari Tun Openg madahka Linas deka nyadi sebuah palan khas endur industri mulung enggau apung ari sukut kualiti, pengeluar enggau teknologi.

“Nya deka mantu raban orang betanam betupi ti endang udah lama ngaul diri dalam industri mulung enggau apung.

“Kita andalka bisi chara baru nengah kereban teknologi ti manah deka ngerembai dalam industri tu kelebih agi di Mukah,” ku iya.

Abang Johari bejaku munyi nya lebuh bejadika Palan Penyulut Teknikal Sarawak (Centexs) Mukah ditu, kemari.

Ku iya, diatu iya udah merambu eksperimen ngagai gis ti pansut ari teda rampang mulung enggau rampang apung.

“Engka ba maya ti deka datai, Petros deka nguna gis ari mulung nyengkaum bekau ai ti pansut ari rampang tu, tang pekara nya mesti dipansik dulu.

“Aku udah minta Centexs di Kuching ngaga sebuah makmal numbuhka teknologi tu.

“Nyema teknologi tu ulih dikena ila, kitai enda sengaja ulih muka peluang pengawa puang ngagai rayat,” ku iya.

Ku iya, di Mukah industri mulung, apung enggau sawit bepanggai ngagai gaya hari ke alai ekosistem tu mesti dijaga.

“Ditu enggau Saribas entara palan pesisir endur apung, laban gula apung diambi ari batang apung ngena chara netak batang apung lalu disambung ngagai penimbun.

“Diatu kitai udah bisi sebansa teknologi iya nya ‘tube’ dipasukka dalam batang apung, ai apung deka keluar udah nya baru kitai mantis ai apung tu. Gula apung ti pansut ngena chara tu, amat bekualiti tinggi,” ku iya.

Iya madah baru, gula apung diatu amat berega laban bisi peminta pemeli ari luar menua.

“Kitai bisi sekelim gula apung, kek gula apung, kuie gula apung enggau ke bukai. Ari sukut nutrisyen, gula apung sigi manah ke pengerai.

“Nya ngayanka, gula apung ulih dieksport, laban diatu orang nyual gula apung ketegal asai ti nyelai sereta nyamai,” ku iya.

Sama bisi datai Menteri Pelajar, Sains enggau Pansik Teknologi Datuk Seri Micheal Manyin Jawong, Menteri Pengintu Pengelantang Pendiau, Komuniti, Indu, Ruang Bilik enggau Pemansang Anak Mit Datuk Seri Fatimah Abdullah, Menteri Muda Pemansang Mengeri enggau Pengeraja Asal Datuk Haji Len Talif Salleh, Menteri Muda ba Opis Kepala Menteri (Undang-undang, Kaul Sarawak enggau Perintah Besai sereta Matau Projek) Datuk Sharifah Hasidah Sayeed Aman Ghazali, Chairman Centexs Tan Sri Mohamad Morshidi Abdul Ghani enggau ke bukai.

BERITA LAIN

BERITA TERBARU

Tiga bot nelayan ditahan APMM

MIRI: Tiga bot nelayan tempatan bersama 1,000 kilogram ikan dirampas oleh Agensi Penguatkuasaan Maritim Malaysia (APMM) Zon Miri di kedudukan 3.3 batu nautika barat laut

Geng Piji tumpas

KUCHING: Geng Piji yang aktif mencuri kenderaan selain terlibat dalam kes pecah rumah, samun dan curi kabel akhirnya tumpas apabila ketua termasuk 11 ahlinya dicekup