Lumba Bot Naga Entarabansa Sarawak 2019 nerima 47 tim

KUCHING: Sepenyampau 47 tim ari 13 bengkah menua deka bepekit ba Lumba Bot Naga Entarabansa Sarawak 2019 Ke-7.

Menteri Dagang Temuai, Seni enggau Main Asal Datuk Abdul Karim Rahman Hamzah madahka sida tu nyengkaum semilan tim ari Sarawak.

“Semina lapan bengkah menua aja bisi nganjung tim bepekit ba taun sebedau tu.

“Tang taun tu kita deka meda Amerika Syarikat keterubah nganjung tim sida,” ku iya.

Abdul Karim madah munyi nya ba aum pemberita Regata Sarawak Pengerami Tebing Sungai Kuching 2019 di Begunan Baitul Makmur ditu, tadi.

NERANG… Abdul Karim nerang pasal sekeda pejalai pengerami Lumba Bot Naga Entarabansa Sarawak 2019 ba aum pemberita, ditu tadi.-GAMBAR ALIEF NONI