Lumba nerenak pemereti ati

SARATOK: Lumba pelasar ke manah nempa pemereti ati entaranembiak, pegajar enggau bala apai indai.

Ku Pengajar Yusof Terang, mayuh macham aktiviti ulih diatur ngaul bala nembiak, apai indai enggau pengajar ngambi ulih nanggam kaul rat ba sekula.

Pia mega ku iya, aktiviti lumba tu ulih nempa nembiak ti pintar ba pelajar sereta landik ba mayuh macham main enggau lumba ngambika kitai ulih nempa modal mensia dudi hari.

“Lumba tu chara ke chukup manah ngaul semua piak ngambi bisi pengiruh ba sebarang aktiviti sekula bala anak ari ngelimpangka awak diri.

“Pengawa tu mega ulih nerenak gaya idup bepengerai, tubuh enggau runding ti regas nengah mayuh bengkah aktiviti main enggau lumba,” ku iya.

Iya mansutka jaku nya ba mua mayuh ngarika Kaban Parlimen Saratok, Ali Biju, ke mega Adun Krian lebuh bejadika Hari Lumba SK Kupang, Saratok ditu, pagi kemari.

Suara Sarawak