ARTIKEL

TABI PUJI… Tiang (belakang, tengah) begambar ungkup kenang tim pemenang ba Pekit Futsal Trofi Penguna MTPN 2024 ditu, lemai ensanus.

Lumba ulih nyadi pelasar manah dikena nempa penyerakup

Facebook
Twitter
LinkedIn
WhatsApp
Telegram

SIBU: Sektor lumba ngembuan pengulih besai ngempung komuniti ba pengawa ngelakuka pengelantang enggau penyerakup, ku Datuk Michael Tiang Ming Tee.

Sapit Menteri Pengerai Mensia Mayuh, Pengawa Berumah enggau Perintah Lokal Sarawak nya madah, perintah andal sektor lumba ulih dikemansang.

Iya nyemetak madah, sektor lumba ulih ngedut pemanah kaul enggau pangan diri.

“Lumba ulih mantu kitai ngembuan mayuh bakih lalu ari nya meh pemanah kaul ulih ditempa sereta nyungkak penyerakup enggau pengelantang.

“Kebuah pia laban lumba enda milih sapa kitai, bansa enggau pengarap. Lebuh ngaul pengawa lumba, nya deka dipasuk mayuh orang ti datai ari bemacham penatai,” ku iya.

Tiang mansutka jaku nya rambau bejadi Program Nutup Pekit Futsal Trofi Penguna Kaunsil Atur Penguna Menua (MTPN) 2024 ditu, lemai ensanus.

Iya ti mega Kaban Kunsil Nengeri Pelawan ngaku pengawa lumba nya meseti dipasuk semua orang.

Pengawa lumba, ku iya, ulih nyamin pengerai tubuh ti beguna amat ba pengidup.

Ba pekit nya, Tim TTP mujur dichiri nyadi champion lalu penuduk kedua dipenggi IPD Sibu.

Baca lain  Tuah Harry Gramong ba Pekit Engkeratong

Tim Langmoi enggau TZ FC bela menggi penuduk ketiga enggau keempat.

Ba pekit ti diatur dua hari berunggu kena 2 nyentuk 3 March tu tadi, entara perais mata duit ti disedia nyengkaum RM2,000, RM1,500, RM1,000 enggau RM500 ungkup empat tim pemadu atas.

Bisi 30 tim ari ejensi peritah, serikat peribit enggau mensia mayuh ngambi bagi ba pekit nya ti diatur serimbai Hari Penguna Dunya 2024.

BERITA LAIN

Premier betemu anak Sarawak di England

LEEDS: Premier Sarawak, Datuk Patinggi Tan Sri Abang Johari Tun Openg udah betemu enggau 20 anak Sarawak ti belajar di England serimbai Hari Raya Aidilfitri.

BERITA TERBARU

PDRM

Suspek kes amang seksual ditahan di Miri

SRI AMAN: Suspek lelaki dikehendaki polis yang disyaki melakukan amang seksual terhadap seorang kanak-kanak perempuan di kawasan tanah perkuburan lama, Kampung Kubal, Betong ditahan Jumaat

Pemancing udang jumpa mayat terapung

MIRI: Sembilan pemancing udang galah dikejutkan dengan penemuan mayat seorang lelaki dalam keadaan tidak sempurna di Sungai Kuala Baram di sini, hari ini. Ekoran itu,