Lundu mali status gadung sehari tu

KUCHING: Pelilih Lundu diatu udah bebali ari status kuning ngagai gadung pengudah nadai ngerikod kes baru 14 hari.

Komiti Penyangga Penusah Ngenyit Nengeri (JPBN) Sarawak madahka siti kes dirikodka ba Kuching nya bisi kelai tama kuman ba tubuh seraya ditemu positif Covid-19 kena 16 November tu tadi.

Chairman iya, Datuk Amar Douglas Uggah Embas madahka kes tu udah dipasuk ba wad isolasyen Sepital Besai Sarawak (SGH) seraya ditemu kontak semak enggau kes ke-1040, bakih sama gawa.

Pia mega ku Uggah, bisi siti kes agi begunaka kereban kena enseput ba wad isolasyen SGH.

Naka diatu, bisi lima kluster agi ngerekai ba Kuching nya, Kluster Jalan Abell, Kluster Baki, Kluster Seladah, Kluster Greenhill enggau Kluster Wisma Saberkas.